رێخستنا په‌كه‌كێ بیلانچویا 10 گولانێ یا شه‌ر به‌لاڤ كر و گۆ چه‌كدارێن وێ 6 له‌شكه‌ر كوشتنه و تانكه‌كه ئارتێشا ترك ل باشوورێ كوردستانێ ته‌قاندییه.
ناڤەندا چاپەمەنی و راگهاندنا هێزێن پاراستنا گەل هه‌په‌گێ کو باسکێ سەربازییێ په‌كه‌كێ یه راگهاند کو د ئەنجاما چالاکیا گەریلایێن وان یێن 10ی گولانێ دە ب گشتی 6 لەشکەرێن ترکیێ هاتنە کوشتن 2 لەشکەر برینداربوونە و تانەکەکە ئارتێشا ترکیێ هاتییە تێکبرن.
ته‌ڤی كو ئارتێشا ترك تو ئاگاهی ل ده‌ربارێ ڤێ چالاكییا كو په‌كه‌كێ ژێره دبێژه مه ل بامه‌رنێ ئه‌نجام داییه به‌لاڤ نه‌كر، په‌كه‌كه گۆتییه كو وان ل كانی ماسێ و زاپێ ژی ده‌رب ل ئارتێشا ترك خستنه.
ل همبه‌ر ڤێ، ئارتێشا ترك داخویانییه‌ك به‌لاڤ كر و دبێژه وان 10 چه‌كدارێن گرێدای په‌كه‌كێ ل رۆژئاڤا كوردستانێ كوشتنه.
هه‌ر یێك ژ ئارتێشا ترك و په‌كه‌كه هه‌ر ل ناڤبه‌را چه‌ند رۆژان ئامارێن شه‌ر پارڤه دكن و هه‌ر یێك ژ وان دبێژه مه ئه‌و قاس كوشتنه، لێ به‌لێ هه‌ردو ئالی راست نابێژن و ڤێ ته‌نێ وه‌كه شه‌ره‌كی مه‌دیایی ل دژی هه‌ڤ بكارتینن.
ل گۆری په‌كه‌كێ ژ ده‌ستپێكا ئۆپه‌راسیۆنا تركیێ یا ل زاپێ، ئاڤاشین و باسیان 349 له‌شكه‌رێن ترك هاتنه كوشتن!!، لێ به‌لێ تو به‌لگه ل سه‌ر ڤێ گۆتنا په‌كه‌كێ نینه و په‌كه‌كه ته‌نێ د مه‌دیایا خوه ده زێده له‌شكه‌ران دكوژه.
