ئامارا شه‌رێ ساخته‌ یێ تركیێ و په‌كه‌كێ هات راگهاندن

pkk-turk-pkk vs turk

د 24 ده‌مژمێرێن ده‌رباسبوویی دا، 3 چه‌كدارێن رێخستنا په‌كه‌كێ و 2 له‌شكه‌رێن تركیێ هاتنه‌ كوشتن، ئه‌ڤ یێك ل گۆری مه‌دیایا تركیێ و په‌كه‌كێ.

رێخستنا په‌كه‌كێ د 24 ده‌مژمێرێن بووری دا‌، كوشتنا 2 له‌شكه‌رێن ترك راگهاندییه‌، هه‌موه‌خت ئارتێشا تركیێ ژی گۆتییه‌ كو 3 چه‌كدارێن رێخستنێ هاتنه‌ ئارمانج گرتن، ب ڤێ یه‌كێ و ل گۆری رێخستنا په‌كه‌كێ ژ ده‌ستپێكا ئێریشا تركیێ یا ناڤێ ئۆپه‌راسیۆنا په‌نجه‌ – كلیل لێ كری، 427 له‌شكه‌رێن ترك هاتنه‌ كوشتن!!.

ژ هێلا خوه‌ ڤه‌ ئارتێشا تركیێ ئه‌شكه‌ره‌ كر كو ژ ده‌ستپێكا ئۆپه‌راسیۆنا په‌نجه‌ كلیل، ب ته‌ڤاهی 85 چه‌كدارێن رێخستنا په‌كه‌كێ هاتنه‌ ئارمانج گرتن.

هه‌ر یێك ژ رێخستنا په‌كه‌كێ و ئارتێشا تركیێ هه‌ر ل ناڤبه‌را چه‌ند رۆژان ئامارا شه‌رێ خوه‌ یێ ساخته‌ ئه‌شكه‌ره‌ دكن و هه‌ر یێك دبێژه‌ مه‌ ئه‌وقاس كوشتنه‌، لێ به‌لێ هه‌ردو ئالی راست نابێژن و ته‌نێ یێ كو زرارێ ژ ڤی شه‌ری دبینیت گه‌لێ هه‌رێما كوردستانێ یه‌.

پوستێن ھەمان بەش