چیایێ قەرەچووخ.. پێشمەرگەی ئۆپه‌راسیۆنەک ل دژی داعشێ كر

Çiyayê Qereçûxê -Pêşmergey

سەرپەرشتیارێ ئه‌نیا گوێر – مەخموور یێ هێزێن پێشمەرگە ئاشکەرە دکەت، ل ناڤچەیێن د ناڤبەرا هێزا پێشمەرگە و ئارتێشا ئیراقێ دا، ئۆپه‌راسیۆنەک ل دژی تەرۆریستێن داعشێ هات کرن و تێدا 2 چەکدارێن داعشێ هاتن کوشتن.

سەرپەرشتیارێ ئه‌نیا گوێر – مەخموور یێ هێزێن پێشمەرگە، سیروان بارزانی ل حه‌سابا خوە یا تۆرا جڤاکی «فه‌یسبووكێ» بەلاڤ کر کو دوهی بەربانگێ هێزا پێشمەرگەیێن ئەنیا 6 د ڤالاهیا د ناڤبەرا هێزا پێشمەرگە و ئارتێشا ئیراقێ دا ل باکورێ چیایێ قەرەچووخێ ئۆپه‌راسیۆنەک ل دژی تەرۆریستێن داعشێ ئه‌نجام دا.

سیروان بارزانی ئاشکەرە کر، «د دەما لێگەرینا 3 شکەفت و تۆنەلان دا، رووبرووبوون د ناڤبەرا پێشمەرگە و تەرۆریستێن داعشێ دا چێبوو، پێشمەرگەیەک ب سڤکی بریندار بوو و دو تەرۆریست هاتنە کوشتن، هەروها کەلوپەلێن تەرۆریستان کەتن دەستێ پێشمەرگەی».

پوستێن ھەمان بەش