هێزێن ترکیێ 2 گوندێن کۆبانی تۆپباران کرن

gundên Kobanî

هێزێن ترکیێ هەردو گوندێن «زۆر مخار و بۆراز» ل رۆژئاڤایێ باژارێ کۆبانی یێ رۆژئاڤایێ کوردستانێ، تۆپباران کرن.

ل گۆر چاڤکانیێن رێڤەبەرییا خوەسەر، هێزێن ترکیێ هەردو گوندێن «زۆر مخار و بۆراز» ل رۆژئاڤایێ باژارێ کۆبانی یێ رۆژئاڤایێ کوردستانێ تۆپباران کرن، هەتا نها چ زانیاری دەربارێ زیانان نەهاتنە دان.

14ێ گولانێ ژی، هێزێن ترکیێ گوندێن «زۆر مخار، شێخلەر و جۆرین» ل دەردۆرا کۆبانی تۆپباران کربوون، هەڤدەم گوندێن ناڤچەیا منبجێ ژی ل رۆژهلاتێ حەلەبێ کو هێزێن سووریەیا دەمۆکتراتیک لێ دمینن تۆپباران و مووشەکباران کربوو.

هەروها د 11ێ گولانێ دا فرۆکەیێن بێ فرۆکەڤانێن ئارتێشا ترکیێ ل ناڤەندا کۆبانی و ل باشوورێ کۆبانی ل سەر رێیا حەلەبێ 2 هێرش كربوون و د ئەنجامێ دا وەلاتیەکێ ژ باکورێ کوردستانێ یێ ب ناڤێ ئەکرەم ئوستەکێ 50 سالی ژیانا خوە ژ دەست دابوو.

د 3 رۆژێن بۆری دا زێدەتری 50 گوندان هاتنه‌ تۆپباران کرن

ژ هێلا خوه‌ ڤه‌ نه‌رینگه‌ها سووری یا مافێن مرۆڤان رۆژا یەکشەمبێ ئەشکەرە کر کو هێزێن ترکیێ د 72 دەمژمێرێن داوی دا زێدەتری 50 باژارۆک و گوندێن باکورێ رۆژهلاتێ سووریێ بۆمبەباران کرنە.

هەروه‌ها دا زانین د ئەنجاما ڤان بنپێکرنان دا زێدەتری 18 کەسان ژیانا خوە ژ دەست دانە، کو د ناڤ وان دە ژن و زارۆک هەبوون، و پتری 280 کەسان بریندار بوونە.

 

پوستێن ھەمان بەش

کێ «ئوگور مومجوو» کو گۆتبوو دێ په‌یوه‌ندیێن «ئۆجالان و میتێ» ئاشکرا که‌م، کوشت؟

ugur mumca-darkamazi-arami