رێخستنا په‌كه‌كێ د 24 ده‌مژمێرێن رابووری دا كوشتنا 31 له‌شكه‌رێن ترك ل ناڤ خاكا باشوورێ كوردستانێ د مه‌دیایا خوه دا راگهاندییه و ل گۆری رێخستنێ ژ 17 نیسانێ 458 له‌شكه‌ر هاتنه كوشتن، ئانگو هه‌ر رۆژێ ب كێمی 15 له‌شكه‌ر!!
هه‌گه‌ر ئه‌ڤ ده‌ره‌وێن په‌كه‌كێ راست بن، دبیت تركیه ئه‌ندامه‌تییا خوه یا د ناتۆیێ دا ب سه‌ده‌ما كریزا نه‌مانا له‌شكه‌ر ژ ده‌ست بده‌ت!!
مه‌دیایا په‌كه‌كێ ئه‌وقاس ده‌ره‌وێن ب شاخ ل سه‌ر ناڤێ گه‌ریلایان پارڤه‌دكه كو گه‌ریلا ب خوه ژی حه‌نه‌كان پێ دكن و دزانن تشته‌كی ووسا ل هۆلێ تونه.
ژ هێلا خوه ڤه تركیه دبێژیت ژ 17 نیسانێ، ئارتێشا وان 85 گه‌ریلا ل باشوورێ كوردستانێ كرنه ئارمانج!!
رێخستنا په‌كه‌كێ رۆژانه نووچه‌یێن ده‌ره‌و ل ده‌ربارێ كوشتنا له‌شكه‌رێن ترك پارڤه‌دكه، ئه‌و دخوازیت ب ڤێ یه‌كێ ژ گه‌ل را ببێژییت ڤا ئه‌مێ به‌رخوه‌دانێ د مه‌شینن، لێ به‌لێ هه‌ر كورده‌ك ب ڤان ده‌ره‌وێن په‌كه‌كێ دزانیت و هه‌روه‌ها دزانیت كو ل باشوورێ كوردستانێ به‌رخوه‌دانه‌كا ساخته تێ مه‌شاندن و زرارێن ئارتێشا ترك و په‌كه‌كێ ل هۆلێ نینن و زرارێن ئارتێشا ترك ته‌نێ د مه‌دیایا په‌كه‌كێ دا تێن دیتن.
