“چ گارانتیەک نینە دوبارە شەر د ناڤبەرا پەکەکێ و ئارتێشا ئیراقێ دا ل شنگالێ چێنەبە”

قایمەقامێ شنگالێ: چ گارانتیەک نینە دوبارە شەر د ناڤبەرا پەکەکێ و ئارتێشا ئیراقێ دا ل شنگالێ چێنەبە

قایمەقامێ قەزا شنگالێ یێ ب وەکالەت بەحسا ئالۆزیێن شنگالێ دکە و ئاماژە ب وێ یەکێ دکە کو چ گارانتیەک نینە ژ بۆ کو دوبارە شەر و پەڤچوون د ناڤبەرا پەکەکێ و ئارتێشا ئیراقێ دا چێنەبە.

قایمەقامێ قەزا شنگالێ یێ ب وەکالەت «نایف سەیدۆ» راگەھاند: نھا رەوشا شنگالێ پشتی وی شەرێ دەستپێکا ڤێ مەھێ پیچەکێ ئارامترە. لێ گارانتیا وێ نینە دوبارە شەر د ناڤبەرا پەکەکێ و ئارتێشا ئراقێ دا ل شنگالێ چێنەبە.

ھەروھا گۆت: دەمەکێ بەری نھا ئارتێشا ئیراقێ ھاتە سینۆرێ شنگال و سووریێ، کو ناڤچەیێ کۆنترۆل بکە و نھا ئارتێشا ئیراقێ ھاتیە، خوەدێ گراوی رێکەفتنا ھەولێر و بەغدایێ بجیھبینە. لێ ھەتا نھا هیچ خالەکا وێ رێکەفتنێ نەھاتیە جێبەجێکرن کرن. نھا ژی ل گۆر گۆتنێن خەلکێ شنگالێ ژ ناڤچەیا «بارا» یا «سنوونێ» ڤە چەکدارێن پەکەکێ بەردەوام ژ سووریێ ڤە تێن بۆ شنگالێ.

نایف سەیدۆ گۆت، دەرڤەیی پرسا پەکەکێ ل شنگالێ بەشەک زێدە یا کوردێن ئێزدی کۆچبەری دەرڤەیی وەلات بوونە و ھەتا پەکەکە ل ڤی سنۆری بە، خەلک ناڤەگەرە شنگالێ و پێدڤییە پەکەکە شنگالێ ڤالا بکە. کارێ وان ل ڤر تنە و خەباتا وان ل باکورێ کوردستانێ و ترکیایە. ئەگەر بەرەڤاژی وێ بە، دبە کو پەکەکە کارەساتێن مەزن ب سەرێ شنگالێ بینە.

پوستێن ھەمان بەش

کێ «ئوگور مومجوو» کو گۆتبوو دێ په‌یوه‌ندیێن «ئۆجالان و میتێ» ئاشکرا که‌م، کوشت؟

ugur mumca-darkamazi-arami