فەدراسیۆنا رێخستنێن جڤاکا سڤیل داخویانیەک دەربارێ کۆنگرەیا خوە پارڤەکر

فەدراسیۆنا جڤاکا سڤیل داخویانیەک دەربارێ کۆنگرەیا خوە پارڤەکر

پشتی لدارخستنا کۆنگرا دامەزراندنا فەدراسیۆنا رێخستنێن جڤاکا سڤیل – کوردستان سووریا، ل ھەولێرا پایتەختا ھەرێما کوردستانێ، فەدراسیۆنێ داخویانیەک دەربارێ بداویانینا کارێ کۆنگرێ بەلاڤ کر.

د داخویانیێ دا ھاتیە، کو 5ێ گولانا 2022یێ کۆنگرەیا دامەزراندنا فەدراسیۆنا رێخستنێن جڤاکا سڤیل – کوردستان سووریا، ل ھەولێرا پایتەختا ھەرێما کوردستانێ، ب ئامادەبوونا سەرکردەیێن پارتیا دیمۆکراتا کوردستانێ، پارتیا دەموقراتا کوردستان – سووریا پەدەکە-سێ، جەماوەرێ کورد و ئەندامێن رێخستنان، کۆنگر ھاتە لدارخستن.

ل گۆری داخویانیێ د دەستپێکا کۆنگرەی دا ھەژمارەک گۆتار ژ ئالیێ ئامادەبوویان ڤە ھاتن پێشکێشکرن، پشتی پێشکێشکرنا گۆتاران دەستەیا رێڤەبەریا فەدراسیۆنێ ھاتە ھلبژارتن.

وەک داخویانیێ دایە دیارکرن، کو پشتی دامەزراندنا کۆنگرا فەدراسیۆنا رێخستنێن جڤاکا سڤیل – کوردستان سووریا رۆژا 11 گولانا 2022یێ واتە پشتی 6 رۆژان ژ دامەزاندنا فەدراسیۆنێ، ئەنجوومەنا رێڤەبەریا ھلبژارتی ب ئامادەبوونا ھەموو ئەندامان، یەکەم جڤینا خوە ل دار خست و دەنگدان ژ بۆ ھەلبژارتنا سەرۆکێ ئەنجوومەنا رێڤەبەریێ و جیگرێن وی ھاتە کرن، حەسەن قاسم وەکە سەرۆکێ ئەنجوومەنا رێڤەبەریا فەدراسیۆنێ ھاتە ھەلبژاراتن، ل گەل دەستنیشانکرنا دو جیگران و پشترا پرۆگرام و کارێ فەدراسیۆنێ ب گشتی ھاتە گۆتووبێژکرن.

پوستێن ھەمان بەش

کێ «ئوگور مومجوو» کو گۆتبوو دێ په‌یوه‌ندیێن «ئۆجالان و میتێ» ئاشکرا که‌م، کوشت؟

ugur mumca-darkamazi-arami