رێخستنا په‌كه‌كێ ئیرۆ ناسنامه‌یا 4 گه‌ریلایان ئه‌شكه‌ره كر كو ل سالا رابووری ل هه‌رێما سه‌رحه‌دێ ژیانا خوه ژ ده‌ست دانه و پاش ده‌رباسبوونا ساله‌كێ ژ نوو ئیرۆ كه‌زه‌با دایك و باڤێن وان شه‌وتاند و مرنا وان راگهاند.
په‌كه‌كه هه‌ر ل ناڤبه‌را چه‌ند رۆژان وێنه‌یێن كۆمێن زارۆك و جوانێن كوردان د مه‌دیایا خوه دا پارڤه‌دكه‌ت یێن كو د به‌رخوه‌دانا خوه یا ساخته دا به‌رێ وان دایه مرنێ، پاش ده‌رباسبوونا چه‌ندین سالان ژی ژ نوو دهێت و دبێژیت: ئه‌و لایقی ئاپۆ ده‌ركه‌تن!!.
هه‌په‌گێ كو باسكێ له‌شكری یێ په‌كه‌كێ یه، ئیرۆ رۆژا سێشه‌مبی 17\5\2022ێ ناسنامه‌یا 4 جوانێن دن ئه‌شكه‌ره كر كو ل گولانا 2021ێ ل هه‌رێما سه‌رحه‌دێ داینه كوشتن.
ناڤێ یێك ژ وان گه‌ریلایان شه‌هریبانه، شه‌هریبان ل سالا 2015ێ ل ئاگریێ ژ هێلا په‌كه‌كێ ڤه هات ره‌ڤاندن، واته هێژان د ته‌مه‌نا زارۆكتیێ دا بوو، ئیرۆ په‌كه‌كێ مرنا وێ راگهاندییه و گۆتییه: ئه‌و ملیتانا ئاپۆ بوو، ئه‌و لایقی ئاپۆ ده‌ركه‌ت!!.
