رێخستنا په‌كه‌كێ ئیرۆ ناسنامه‌یا 4 زارۆكێن دن یێن كورد ئه‌شكه‌ره كر كو دو رۆژان به‌رێ ل خاكوركێ ژیانا خوه ژ ده‌ست دانه، هه‌موه‌خت راگهاندییه 82 له‌شكه‌رهاتنه كوشتن!!.
هه‌په‌گێ باسكێ له‌شكری یێ په‌كه‌كێ، ئیرۆ رۆژا چارشه‌مبی 18\5\2022ێ داخویانی ل ده‌ربار شه‌رێ دو رۆژێن رابووری دا و راگهاند كو چار گه‌ریلایێن وان ل هه‌رێما خاكوركێ شه‌هید كه‌تنه.
هه‌په‌گێ وه‌كه هه‌رجار، تام ئاگاهی ل ده‌ربارێ وان گه‌ریلایان پارڤه‌كرنه لێ به‌لێ چ ئاگاهی ده‌ربارێ ته‌مه‌نا وان نه‌دانه ژ بۆ كو جینایه‌تا ره‌ڤاندن و ب چه‌ككرنا زارۆكێن كوردان ل سه‌ر وێ ته‌سبیت نه‌بیت.
ئه‌ڤ چار گه‌ریلایێ كو ئیرۆ ناسنامه‌یا وان هاتییه ئه‌شكه‌ره كرن، هێژان د ته‌مه‌نا سنێله‌یێ دا نه و هێژان ریهـ و سمبێلێن وان نه‌هاتنه.
زێده‌باری راگهاندنا شه‌هیدكه‌تنا 4 گه‌ریلایان، هه‌په‌گێ گۆتییه ژ 16 ڤێ مه‌هێ وان 82 له‌شكه‌رێن ترك ل خاكوركێ و زاپێ كوشتنه!!.
