هێزێن ترکیێ گوندێن کۆبانێ و شەهبایێ تۆپباران کرن

koban-turkey-attack

ئارتێشا ترکیێ و کۆمێن چەکدارێن سەر ب وی وەلاتی ل باکورێ سووریێ، گوندێن هەردو هەرێمێن کۆبانی و شەهبایێ یێن سەر ب رێڤەبەریا خوەسەرا رۆژئاڤایێ کوردستانێ ڤە، ب دژواری تۆپباران کرن.

هێزێن ترکیێ رۆژا چارشەمبێ 18ێ گولانێ هەردو گوندێن زۆر مخار و شیووخا ژێرین، ل رۆژهلاتێ باژارێ کۆبانێ یێ رۆژئاڤایێ کوردستانێ تۆپباران کرنە. ل گۆر چاڤکانیێن خوەجهی، تۆپبارانکرنا وان گوندان هەتا دەرەنگیا شەڤا دەرباسبوویی بەردەوام بوویە، لێ دەربارێ زیانان دا هەتا نها چ زانیاری نەهاتنە بەلاڤکرن.

رۆژا 15ێ گولانێ ژی، هێزێن ترکیێ هەردو گوندێن زۆر مخار و بۆرازێ ل رۆژهلاتێ کۆبانی تۆپباران کربوون.

ل ئالیەکێ دن، هەرێما شەهبایێ ل باکورێ باژارێ حەلەبێ ژی هات تۆپبارانکرن.

مەدیایا نێزیکی رێڤەبەریا خوەسەر بەلاڤ کریە، ئارتێشا ترکیێ و کۆمێن چەکدارێن سەر ب وی وەلاتی ڤە گوندێن دێر جەمال و کەفر نایا ل هەرێما شەهبایێ دانە بەر تۆپان.

د ئەنجاما تۆپبارانا ل سەر وان گوندان دا زرارێن زێدە گه‌هشتنە مال و ملکێن وەلاتیان.

د دەمێن داویێ دا تۆپبارانکرنا گوندەوارێ شەهبایێ گەلەک زێدە بوویە، رۆژا 17ێ گولانێ ژی درۆنەکا ترکیێ ئاڤاهیەک ل باژارۆکێ تل رفعه‌تێ ل باکورێ حەلەبێ کربوو ئارمانج.

رۆژا 17ێ گولانێ د ئەنجاما تۆپبارانا دژوارا ترکیێ دا بۆ سەر گوندەوارێ باژارۆکێ عەین ئیسا ل رۆژئاڤایێ کوردستانێ، 5 کەس بریندار بووبوون کو یەک ژ وان ژن و چار ژی زارۆک بوون.

پوستێن ھەمان بەش

گەلۆ هەپەگە کەتیە قۆناغا دویەمینا شەرێ ل دژی پێشمەرگە؟

pkk-kani mase-peshmarga-hpg