عه‌فرین.. چەکدارێن سەر ب ئارتێشا ترکیێ ڤە 5 کەس رەڤاندن

efrin-turkey-attack

گرووپێن چەکدارێن ئۆپۆزسیۆنا سووریێ یێن سه‌رب ئارتێشا ترکیێ، 5 کەس ژ هه‌رێما عه‌فرینێ یا رۆژئاڤایێ كوردستانێ رەڤاندن.

رێخستنا مافێن مرۆڤان ل عه‌فرینێ بەلاڤ کر، گرووپا پۆلیسا لەشکەری رۆژا 17ێ گولانێ ب سەر گوندێ کورزێلێ دا گرت و 3 کەس ب ناڤێن (حسێن عەبوود قیجێ، رەشید محه‌مه‌د عه‌بدو و مه‌حموود سالژ رەمۆ) رەڤاندن.

هەروه‌ها دیار کر ژی، گرووپا پۆلیسا مەدەنی رۆژا 17ێ گولانێ وەلاتیێ ب ناڤێ فەرید عارف کۆسا ژ گوندێ گەمرووکێ یێ سەر ب ناڤچەیا ماباتایێ ڤە رەڤاند.

رێخستنا مافێن مرۆڤان راگهاند ژی، گرووپا پۆلیسا لەشکەری وەلاتیێ ب ناڤێ عارف عەلی ئەشەرف ژ گوندێ سێویا یێ سەر ب ناڤچەیا راجۆیێ ڤە رەڤاند.

رێخستنا مافێن مرۆڤان ئاماژە ب وێ یەکێ دکەت، پرانیا کەسێن کو تێن رەڤاندن، تۆمەتا کو بەرێ پێوەندیا وان ب رێڤەبەرییا خوەسەر ڤه‌ هەبوو، ئاراستەیی وان تێن کرن.

ئارتێشا ترکیێ و گرووپێن چەکدارێن سەر ب وێ ڤە ژ ئادارا 2018ێ ڤە هەرێما عه‌فرینێ داگیر کرنە و ل گۆر چالاکڤانان، وان هەتا نها زێدەتر ژ 8 هەزار وەلاتیێن کوردێن عه‌فرینێ رەڤاندنە کو چارەنڤیسا هەژمارەکە مەزن ژ وان نایێ زانین.

پوستێن ھەمان بەش

کێ «ئوگور مومجوو» کو گۆتبوو دێ په‌یوه‌ندیێن «ئۆجالان و میتێ» ئاشکرا که‌م، کوشت؟

ugur mumca-darkamazi-arami