باسکێ پهكهكێ یێ رۆژئاڤا کوردستانێ پهیهدێ، ب «فۆتۆشۆپی» جلێ عەرەبان ئانكو «دشداشە و عهگال» ل رێبەرێ خوە ئاپۆ کرنە و ئەو وێنە ب قەبارەیەک پر مەزن ل دەریێ باژارۆکێ «تل کۆچەر» یێ گرێدایی حەسەکێ دایە.
ئۆجالان د تەڤ ژیانا خوە دا، تەنێ جارەکێ جلێ کوردی ل خوە کرنە، ئەو ژی ل سالێن 90ێ وەختا دەستەک بەرگیزێن رەنگ شین ژ هێلا کەسەک «سندی» ڤە وەکە دیاری پێ هاتینە دایین، ل وێ دەمێ ژی ئاپۆ نەدزانی دێ چاوا وان بەرگیزان ل خوە بکە، کەسێن ل دۆرا وی ل بەر وی کربوون.
ل جەم رێخستنا پەکەکێ و هەموو پارتی و رێخستنێن سەر ب وێ ڤە، «نەتەوه، کورد، کوردستان و کوردایەتی» پاشڤەروویی یە و «براتییا گەلان» پاشەرۆژە، لهوما وان ئیسال بریار دا ئێدی سیاسهتهكا کلاسیک نەمەشینن، وان پێشناڤێ شێخ ژ بۆی رێبەرێ رێبەران دەستنیشان کر و «شێخ ئاپۆ» یێ ب دشداشە و عهگال ئافراندن.
پهكهكە ب ڤێ پێنگاڤا خوە دخوازە ژ گەل رە ببێژە هوون رێبەرتیێ ب جلێ ئەفەندییان قەبوول نەکن، ئەمێ دشداشە و عهگالێ ژ بۆی وە لێ بکن، هوون دیسا قەبوول نەکن، جلێ کو هوون دخوازن ئەمێ ژ بۆی خاترێ وە لێ بکن، دڤێ هوون ئاپۆ ناس بکن، ئاپۆ رێبەرێ گەلان، جلێ هەموو داگیرکەران ب کێری وێ تێن، تەنێ جلێ کوردان نەبە ل بەژنا وی قەد خوەشک نایێن!!.