ترکیێ نێزیکی چەمچەمالێ بۆمبەباران کر

ترکیێ نێزیکی چەمچەمالێ بۆمبەباران کر

دو فرۆکەیێن بێفرۆکڤانێن ترکیێ ترۆمبێلەک ل گوندەکێ نێزیکی چەمچەمالێ بۆمبەباران کر و 5 کەس ھاتن کوشتن.

رێڤەبەرێ ناحیا «ئاخجەلەرێ» ھێمن بەھجەت ژ K24ێ راگھاند، ب بھانەیا کو چەکدارێن پەکەکێ د ترۆمبێلەکێ دا ھەنە، 2 فرۆکەیێن بێفرۆکڤانێن ترکیێ ئەو ترۆمبێل ل گوندێ «دووتەقەلێ» ل بنارێ چیایێ خال خالان بۆمبەباران کر.

ل گۆری رێڤەبەرێ ناحیا ئاخجەلەرێ، 5 کەسێن کو د ترۆمبێلێ دا بوون، ھاتن کوشتن.

ل گۆری زانیاریێن K24ێ، ھێزێن ئەولەھیێ و ھێزێن بەرەڤانیا شارستانی گھیشتن وێ ھەرێمێ، لێ ژ بەر کو ھین ئەو فرۆکە ل ئاسمانێ ھەرێمێ دفرن، نەکارین بچن جھێ بوویەرێ.

پوستێن ھەمان بەش

کێ «ئوگور مومجوو» کو گۆتبوو دێ په‌یوه‌ندیێن «ئۆجالان و میتێ» ئاشکرا که‌م، کوشت؟

ugur mumca-darkamazi-arami