مه‌خموور.. بالا‌فرێن تركیێ «ئه‌حمه‌د رووبار» ئه‌ندامێ كۆنسه‌یا هه‌په‌گێ كوشت

mahmur-siha-ehmad-rubar-rojger

د ئێریشا ئیرۆ یا ده‌وله‌تا تركیێ ده‌ كو ب بالافرێن بێی فرۆكه‌ڤان ل نێزی كامپا مه‌خموورێ ئه‌نجام داییه‌، فه‌رماندار و به‌رپرسه‌كێ پایه‌ بلند یێ په‌كه‌كێ هات كوشتن.

چاڤكانیێن پێگه‌ها داركا مازی ل باشوورێ كوردستانێ ئه‌شكه‌ره‌ كرن، بالافرێن بێ فرۆكه‌ڤان یێن ده‌وله‌تا تركیێ ئیرۆ ئێریش ل نێزی كامپا مه‌خموورێ یا په‌كه‌كێ كرییه‌ و د وێ ئێریشێ ده‌، كه‌سێ ب ناڤێ ئه‌حمه‌د رووبار كو فه‌رمانداره‌كێ پایه‌ بلند و ئه‌ندامێ كۆنسه‌یا هه‌په‌گێ یه‌، هاتییه‌ كوشتن.

هه‌روه‌ها ده‌ست نیشان كر، وه‌ختا ئه‌حمه‌د رووبار و شۆفێرێ وی ب ئه‌ره‌به‌یا خوه‌ ژ نوقته‌یا عه‌سكه‌ری به‌ر ب كامپێ ڤه‌ د هاتن، بالافرێن بێ فرۆكه‌ڤان ئه‌و هه‌ده‌ف كرییه‌.

ده‌ست نیشان كر، ئه‌حمه‌د رووبار ل ده‌ستپێكێ بریندار كه‌ت و شۆفێرێ وی یێ ب ناڤێ رۆژگه‌ر كو ژ ره‌ققایێ یه‌، هه‌ر راست ژیانا خوه‌ ژ ده‌ست دابوو، ئه‌حمه‌د رووبار ژ بۆ نه‌خوه‌شخانه‌یه‌كا گه‌یاره‌ تێ راكرن و ل ور ژیانا خوه‌ ژ ده‌ستدایه‌.

ئه‌حمه‌د رووبار كی یه‌؟

ئه‌حمه‌د رووبار ژ شێنیێن بایه‌زی ئا باكورێ كوردستانێ یه‌، ئه‌و ل سالا 1991ێ ته‌ڤلی رێخستنا په‌كه‌كێ بوویه‌ و ب درێژاهییا ڤان سالا ئه‌رك د رێخستنێ ده‌ وه‌رگرتنه‌، ئه‌ندامێ كۆنسه‌یا له‌شكه‌ری یا په‌كه‌كێ بوو كو ب ناڤێ هه‌په‌گه‌ تێ ناس كرن.

هه‌ری داوی د رێڤه‌به‌رییا له‌شكه‌ری یا كامپا مه‌خموورێ ژی ده‌ ئه‌رك وه‌رگرتبوو.

پوستێن ھەمان بەش

کێ «ئوگور مومجوو» کو گۆتبوو دێ په‌یوه‌ندیێن «ئۆجالان و میتێ» ئاشکرا که‌م، کوشت؟

ugur mumca-darkamazi-arami