گه‌لو ما ده‌وله‌تا ترك دێ ب زارۆكێن وه‌كه‌ سیماڤێ هێته‌ تێكبرن؟

رێخستنا په‌كه‌كێ جاره‌كا‌ دی وێنه‌یێن 8 چه‌كدارێن خوه‌ پرانی ژێ زارۆك به‌لاڤ كرن كو ل نیسانا ئیسال 2022ێ ل زاپێ د هێرشێن تركیێ دا‌ ژیانا خوه‌ ژ ده‌ست دانه‌.

رۆژ ده‌رباس نابیت هه‌گه‌ر په‌كه‌كه‌ ناڤ و وێنه‌یێن كۆمێن زارۆك، كه‌چ و جوانێن كورد د مه‌دیایا خوه‌ ده‌ به‌لاڤ نه‌كه‌ت یێن كو د رێیا به‌رخوه‌دانا ساخته‌ دا دهێن فه‌دا كرن.

دوهـ رۆژا شه‌مبی 21\5\2022ێ هه‌په‌گێ باسكێ له‌شكه‌ری یێ په‌كه‌كێ، وێنه‌یێن 8 چه‌كدارێن خوه‌ به‌لاڤ كر كو ل زاپێ د هێرشێن نیسانا ئیسال یێن ده‌وله‌تا ترك یا داگیركه‌ر دا هاتنه‌ فه‌دا كرن، یێك ژ وان كه‌چه‌كا زارۆكه‌ ب ناڤێ «سیماڤ حه‌سه‌ن» كو رێخستنێ ژ حه‌سه‌كێ ره‌ڤاندبوو.

سیماڤ كو هێژان د ته‌مه‌نا زارۆكتیێ دا یه، په‌كه‌كێ چه‌ك خستن د ده‌ستان دا و به‌رێ وێ دا مرنێ، ئه‌و ل زاپێ كه‌ت به‌ر ئێریشا تركیێ و ژیانا خوه‌ ژ ده‌ست دا.

پرانییا شه‌رڤانێن كو په‌كه‌كه‌ وێنه‌یێن وان پارڤه‌دكه‌ یێن كو د به‌رخوه‌دانا ساخته‌ ده‌ تێن فه‌دا كرن، هێژان د ته‌منا زارۆكتیێ یان ده‌ستپێكا گه‌نجاتیێ دا نه‌، سه‌ربۆرا شه‌ر نینه‌، رێخستنێ پرانی ژێ ره‌ڤاندینه‌ و هێژان د زوو دا مه‌ژیكێ وان شووشتییه‌، خوینا ڤان زارۆكان ل جه‌م پیره‌مێرێن كۆنسه‌یا سه‌رۆكاتییا رێخستنێ پڕ بێ واته‌یه‌، ئه‌و به‌رێ زارۆكێن كوردان دده‌نه‌ مرنێ و پشتره‌ دهێن و ب رووقایمی دبێژن: فه‌دایێ ئاپۆ بن!!.

پوستێن ھەمان بەش

کێ «ئوگور مومجوو» کو گۆتبوو دێ په‌یوه‌ندیێن «ئۆجالان و میتێ» ئاشکرا که‌م، کوشت؟

ugur mumca-darkamazi-arami