ئەنجوومەنا ئێزدیێن سووریێ راگههاند كو کەچەکا بچووک یا ئێزدی ژ ئالیێ رێخستنەکا سەر ب پهیهدێ یان پهكهكێ ڤە هاتییه رەڤاندن.
ئەنجوومەنا ئێزدیێن سووریێ دوهی د داخویانیەکێ دا راگههاند، «رێخستنا جوانێن شۆرەشگەر، سیلاڤ حەمید جهعفهر کو ژ گوندێ باسووفانێ یێ عەفرینێ یه، ل سەر رێیا دبستانێ ل تاخا شێخ مەقسوود یا حەلەبێ هات رەڤاندن و بەر ب جهەکی نەدیار ڤەهاتییه برن.
ل گۆر وێ ئەنجوومەنێ، مالباتا سیلڤا ژ بۆ زانینا چارەنڤیسا کەچا خوە، ل دەریێ هەموو سازیێن ئەولەکاری و ئیداری، یاسایی و کەسێن کو پێوەندییا وان ب پهیهدێ ڤه هەنە دانە، لێ ئەو نەگههشتنە چ ئەنجامان.
ئەنجوومەنا ئێزدیێن سووریێ تەکەز دکە کو سیلاڤ حهمید جهعفهر نەخوەشە.
ئەنجوومەنا ئێزدیێن سووریێ دەستنیشان دکە «پشتی چار سالان ژ کۆچبەرکرنا ب دەهـان هەزاران ژ خەلکێ عەفرینێ بەر ب هەرێمێن د بن کۆنترۆلا رێڤەبەرییا خوەسەر ل حەلەبێ و کامپێن شەهبایێ دا، ئەشکەرە بوو کو ژیانا وان د پر د مهترسیێ دای یه، ژ بهر كو رێخستنا جوانێن شۆرەشگەر یا پارتیا پهیهدێ (پهكهكێ) ب ئاوایەکی تەرۆریستی زارۆکێن تەمەن بچووک ژ دەستێن دایکێن وان د رهڤینیت و ئهڤ یێك بهردهوامه».
هەروها دبێژیت: «رەڤاندنا مرۆڤان ب گشتی و زارۆکان ب تایبەتی د هەموو ئایینێن ئاسمانی، یاسایێن مرۆڤی و پرەنسیبێن مرۆڤی دا رەفتارەکا بێئەخلاقی و کریارەکا تەرۆریستی یا شەرمەزارکرییە».
هێژای گۆتنێ یه، ل 15 گولانێ ژی، چهتهیێن جوانێن شۆرهشگهر كهچهكه دن یا 13 سالی ژ باژارێ قامشلۆ یا ب ناڤێ ئاگرین عهبدوللا كو ل گهل داییكا خوه ل بازار بوو، رهڤاندن و هێژان چارهنڤیسا وێ ژی نهدیاره.
