ئەنجوومەنا ئاسایشا ھەرێما کوردستانێ د داخویانیەکێ دا بەرسڤا گرووپا ب ناڤێ (دەستەیا ھەڤرێزیا بەرخوەدانا ئیراقێ) ددە و تەکەز دکە، ھەر دەستدرێژەک ل سەر ھەرێما کوردستانێ بهێت کرن، دێ باجەکا گران ژ بۆ ھەبیت.
داخویانیا ئەنجوومەنا ئاسایشا ھەرێما کوردستانێ:
گرووپەکێ دەرڤەی یاسایێ ب ناڤێ دەستەیا ھەڤرێزیا بەرخوەدانا ئیراقێ کو ژ مە ڤە زەلال و ئاشکەرایە کی وان ھان ددە، د داخویانیەکێ دا تۆمەتێن بێ بنگەھ داڤێژن و گەفێ ل ھەرێما کوردستانێ دکەن.
ئەڤ گەف نە نوو نە و ب کرداری ھەتا نھا ل دەڤەرێن جودایێن ئیراقێ چ ژ دەستێ وان ھاتیە، ل دژی ھێزێن دەرڤە کرنە و بەرھەمێن وان ژ بۆ ئیراقێ تەنێ وێرانی و ئالۆزی بوویە.
ژ ڤر ڤە ئەم ب وان رادگھینن کو ھەر دەستدرێژەیەک ل سەر ھەرێما کوردستانێ کو ستاتویەکا دەستوورییا ناڤا ئیراقێ دایە، دێ باجەکە گران ژ بۆ ھەبیت. وان وانە ژ دیرۆکێ وەرنەگرتنە، ئەگەر نە ئەو دزانن کو ھێزێن ژ وان مەزنتر و بچەکتر نەکارین ڤینا گەلێ مە بشکێنن.
ئەڤ گرووپێن دەرڤەی یاسایێ ل سەر سەروەری و ئارامیا ئیراقێ گەفن و ھەر وان زەمین ژ بۆ بەلاڤبوونا تەرۆرێ و ھزرا توندرەویێ خوەش کرنە.
ئارتێشا ئیراقێ و ھێزێن پێشمەرگە ل دژی تەرۆرستان مژوولی کارێ ھەڤبەشن و ئەڤ گرووپە ژی مژوولی فتنە، ئالۆزی و وێرانکاریێ نە.
حکوومەتا فەدەرال بەرپرسە کو سەروەریا ئیراقێ بپارێزە و ئاستەکێ ژ بۆ ڤان زێدەگاڤی و دژمنکاریان دەینە.
ئەنجوومەنا ئاسایشا ھەرێما کوردستانێ
23/5/2022
