کەسێ کو پەکەکێ ب جۆتکارێ مەخموورێ دایە ناساندن کییە و چەوا هات کوشتن؟

ehmed-rubar-mahmur-siha-pkk-hpg-kurd-kurdistan-turkey

ھاتە راگھاندن کو ئەندامێ کۆنسەیا فەرمانداریێ یا ھەپەگێ «ئەحمەد رووبار» ل مەخموورێ ژیانا خوە ژ دەست دا، دژمنی زانیاری د ناڤا کەمپا ماخموورێ وەرگرتییە.

ھاتە راگھاندن کو ئەحمەد رووبار «مەھمەت ئەردۆگان» د 21ێ گولانێ دا د بۆردۆمانا وارگەھا مەخموورێ دا ژیانا خوە ژ دەست دایە، ل گۆری زانیاریێن د ناڤا کامپێ دا ھاتنە وەرگرتن، ئەو ب تایبەت ھاتییە ئارمانج کرن.

ئەحمەد رووبارێ کو بەرپرسێ ھەپەگێ ژ مووسل، مەخموور، کەرکووک ھەیا توسخورماتوو؛ خەباتێ پەروەردەیا لەشکەری، رێخستنی و  چەکداری بوو. 21ێ گولانێ ژ ئالیێ فرۆکەیێن بێ فرۆکەڤان یێن دەولەتا ترک ڤە ھاتبوو ئارمانجکرن و ل گەل شۆفێرێ خوەیێ ب ناڤێ رۆژگەر ژیانا خوە ژ دەست دابوون.

چاڤکانیێن سەر ب پەکەکێ ڤە، ھەتا نھا ب داخویانیەکا فەرمی ئەڤ بوویەرە پشتراست نەکریە. ئەحمەد رووبارێ کو ئەو 32 سال بوو گەریلا ل کەمپا مەخموورێ ب مەراسیمەکێ ھات ڤەشارتن. ئەحمەد رووبار ژ ئالیێ چاپەمەنیا پەکەکێ و مەجلیسا گەلا مەخموورێ ڤە وەکە سڤیل ھات نیشاندان. ئەحمەد رووبار د مەراسیما جەنازە دا وەک جۆتکارێ مەخمووری یێ ب ناڤێ «حاج میرزا عەلی» ھات ناساندن.

ھاتە گۆتن کو ئەحمەد رووبار دەمەکێ درێژە ل کامپێیە، لێ ژ ئالیێ گەلێ کامپێ ڤە نایێ ناسکرن، ژ بەر ئیحتیمالا ئیخبارکرنێ ئەو ب ئاوایەکی ڤەشارتی ب ناڤێ “ھەوار” دخەبتی. ھەر وھا د ناڤا زانیاریان دا تێ گۆتن کو ئەحمەد رووبار د ڤان دو مەھێن داوی دا ل کامپێ زێدەتر د گەرییا.

ل گۆری داخویانیا وەزارەتا کارێن ناڤخوەیی یا ترکیایێ، ھات زانین کو ل کامپێ ئەفسەرەکێ پایەبلند ژیانا خوە ژ دەست دایە.

کەسێن کو ئاگاھیا وان ژ ھەبوونا ئەحمەد رووبار کو ل ئیراقێ دخەبتە ھەیی ژی رێڤەبەرییا پەکەکێ بخوە بوو. ژ بەر ڤێ سەدەمێ دەر بارێ ھەلوەست و تەڤگەرا ئەحمەد رووبار دا ئاگاھیێن ژ ناڤا پەکەکێ کەتن دەستێ دەولەتا ترک. گومانا خەلکێ مەخموورێ ژی ھەیە کو ئەڤ ئاگاھی ژ ناڤا کامپێ و ھەتا ژ کادرۆیێن پەکەکێ یێن ل کامپێ دەرکەتیە.

دژمن دزانە، لێ ژ گەل ڤەدشێرن

پەکەکە زانیاریێن دەربارا وان رێڤەبەرێن خوەیێن ل باشوورێ کوردستانێ، مەخموور و رۆژئاڤا ژیانا خوە ژ دەست ددەن ڤەدشێرە. ب تایبەتی د ڤان 3 سالێن داوی دا ناڤێن ڤان رێڤەبەران نایێن ئاشکەرا کرن. یێن ل وارگەھا مەخموورێ و رۆژئاڤا ب ناڤێن جودا یان ژی وەکە کەسێن ژ ھەمولاتییێ نۆرمال تێن ب ناڤکرن. پەکەکێ کەسێن وەکە «سەلمان بۆزکورت» “در. حوسەیین”ێن بەرێ ل کامپێ ژیانا خوە ژ دەست دابوو، وەکە کو کەسەکێ سڤیل یێ کامپێ دا ناساندن. شەرڤانێن کو ژ بەر ھێزێن لەشکەری ژیانا خوە ژ دەست دانە ژی وەکە مرۆڤێن ئاسایی تێن دەستنیشان کرن.

لێ بەلێ دەولەت دزانیت کا ل کی/کێ خستییە، مرۆڤێن ل دەردۆرێ ژی دزانن وێ دەمێ چما دهێت ڤەشارتن. پەکەکە ژ بۆ گرسەیا خوەیا دوور ڤێ ساختەکاریێ دکە. لێ بەلێ خوەدی نەدەرکەتنا ل کادرۆیێن 20-30 سالان ل چیا دەرباس کرین، ل جەم گەل و کادرۆیان شکەستن و دلگرانێیێ چێدکە.

  ئەڤ نە جارا یەکەمە کو ئیستیخبارات ژ مەخموور دەردکەڤە

ھەتا نھا ب زانیاریێن د ناڤا کامپا مەخموورێ گەهشتی دەولەتا ترک ل دژی ھێزێن پەکەکێ گەلەک ئۆپەراسیۆن ھاتنە لدارخستن. د ئێریشێن ھەوایی دا گەلەک گەریلایێن پەکەکێ ژیانا خوە ژ دەست دان.

پەکەکێ ھەتا نھا قەبوول نەکریە کو زیانێن ل رۆژئاڤا و مەخموورێ ب تایبەت ب ئیستخباراتا د ناڤا پەکەکێ دا ھاتییە روودان. ھەرتم د ڤی واری دا ھێزێن پێشمەرگە تۆمەتبار دکر. لێ د ئێریشێن دەولەتا ترک یێن ل سەر باشوورێ کوردستانێ دا ھەر تم ئاگاھی ژ ناڤا پەکەکێ ژ بۆ دژمنی چوونە.

ب تایبەتی تێ زانین کو پرانیا خەلکێ کامپا مەخموورێ لگەل کۆنسولخانەیا ترکیێ دا د پەیوەندیێ دا نە، پرانیا وان پاساپۆرتێن ترکیێ ھەنە و جوانێن کەمپێ دچن لەشکەرییا ترکان دکن و ڤەدگەرن ناڤا کامپێ. ل گەل ڤێ ژی پەکەکە ھەول ددە کو مەخموور بەلاڤ نەبە دا کو ڤێ گرسەیێ د وارێ سیاسی-لەشکەری دا بکار بینە.

پوستێن ھەمان بەش

کێ «ئوگور مومجوو» کو گۆتبوو دێ په‌یوه‌ندیێن «ئۆجالان و میتێ» ئاشکرا که‌م، کوشت؟

ugur mumca-darkamazi-arami