پێنجەمین دادگەھا ئیداری یا ئەنقەرێ ژ وەزارەتا ناڤخوەیا ترکیێ، داخوازا بەلگە و زانیاریێن دەربارێ جھێ گۆرا شێخ سەعید و ھەڤالێن وی دا کر. دادگەھێ ژ وەزارەتا ناڤخوە داخواز کر کو د ناڤ 30 رۆژان دا بەلگەیان بشینە.
بارۆیا ئامەدێ، کۆمەلەیا پەروەردەھی، چاند و ھەڤکاریێیا شێخ سەعید و وارسێ شێخ سەعید، «قاسم فرات» ژ بۆ ئاشکەراکرنا جھێ گۆرێ شێخ سەعید و 46 ھەڤالێن وی یێن سالا 1925ێ ل ئامەدێ ھاتبوون دارڤەکرن، د 15ێ شوباتا 2022یێ دا سەری ل وەزارەتا ناڤخوە دابوون.
لێ وەزارەتێ بەرسڤا سەرلێدانێ نەدابوو. پشترا وان ئالیان 15ێ نیسانێ سەری ل 5ەمین دادگەھا ئیداری یا ئەنقەرێ دابوون.
ل گۆر ئاژانسا مەزۆپۆتامیایێ، 5ەمین دادگەھا ئیداری یا ئەنقەرەیێ سەرلێدان قەبوول کر و تێکلداری سەرلێدانێ ژ وەزارەتا ناڤخوە داخواز کر “کۆپییێن ئەرێکری یێن ھەموو بەلگە و زانیاریێن دەربارێ جھێ گۆرێ شێخ سەعید دا بۆ دادگەھێ بێن شاندن.
