چەتەیێن ب ناڤێ “جوانێن شۆرەشگەر” زارۆیەک دن ژی رەڤاند

چەتەیێن ب ناڤێ"جوانێن شۆرەشگەر" زارۆیەک دن ژی رەڤاند

تەڤگەرا «جوانێن شۆرەشگەر» یا سەر ب پەکەکێ ڤە، زارۆکەک دن یا 14 سالی ل باژارێ قامشلۆ رەڤاند.

چاڤکانیێن پێگەها «دارکا مازی» ل رۆژئاڤا کوردستانێ ئەشکەرە کر، رۆژا 19/5/2022یێ زارۆکا ب ناڤێ «هێلین مووسا» یا 14 سالی دەما لگەل برایێ خوە ل دبستانێ ڤەدگەرا مالێ، ژ ئالیێ چەتەیێن ب ناڤێ «جوانێن شۆرەشگەر» کو سەر ب رێخستنا پەکەکێ نە ھات رەڤاندن.

چاڤکانیێن مە ئەشکەرە کر، دەما ئەڤ کەچ ل ئەزموونا دبستانێ یا پۆلا هەشتان یا دبستانا “زەکی ئەلئەرسووزی” لگەل برایێ خوە یێ بچووک کو ل پۆلا پێنجێ یا دبستانێ یە ڤەدگەرین مالا خوە، ژ ئالیێ جوانێن شۆرەشگەر ڤە تێن خاپاندن، جوانێن شۆرەشگەر وان دبن ئاڤاهیێ «باژارێ جوانان» کو دکەڤە هەمبەر پارکا گشتی یا قامشلۆ و پاش دەرباسبوونا دەمژمێرەکێ وێ کەچێ بەر ب جیەک نەدیار درەڤینن و برایێ وێ ژی ژ ئاڤاهیێ خوە دەر دکەن.

چەتەیێن ب ناڤێ «جوانێن شۆرەشگەر» فەرمانێن خوە راستەراست ژ پەکەکێ وەردگرن، ئەرکا سەرەکە یا ڤان چەتەیان ئەڤە کو جوانێن کورد برەڤینن و د بەرژەوەندیا پەکەکێ دا وان بدن کار کرن.

پوستێن ھەمان بەش

گەلۆ هەپەگە کەتیە قۆناغا دویەمینا شەرێ ل دژی پێشمەرگە؟

pkk-kani mase-peshmarga-hpg