لەشکەرەکێ ترک ل سنۆرێ هەرێما کوردستانێ هات کوشتن

له‌شكه‌ره‌كێ ترکیێ ل ناڤچەیێن سنۆری یێن هەرێما کوردستانێ د تەقینەکێ دا هات کوشتن و ئێكێ دی ژی بریندار بوو.

ل گۆری وەزارەتا بەرەڤانیێ یا ترکیێ، د ئەنجاما تەقینا مینەکێ دا کو په‌كه‌كێ ل هەرێما ئۆپەراسیۆنا «پەنجە-كلیل» ب جهـ کربوو، له‌شكه‌رێ بسپۆر هاسان چاتال هات كوشتن و لەشکەرەک ژی بریندار بوو.

د داخویانیێ دە هات راگه‌هاندن، تەقین دوهی 28 گولانێ پێک هاتییە.

د ئۆپەراسیۆنا ناڤبووری دا لەشکەرێن کو بەریا نها د تەقین و پەڤچوونان دا هاتبوون کوشتن هەبوون.

هەروه‌ها وەزارەتا بەرەڤانیێ یا ترکیێ راگه‌هاند کو دوهی ژی 18 چه‌كدارێن په‌كه‌كێ هاتنە کوشتن.

ئارتێشا ترکیێ د 18ێ نیسانێ دا ل هەرێمێن مەتینا، زاب و ئاڤشین-باسیان ل دژی په‌كه‌كێ دەست ب ئۆپەراسیۆنا «پەنجە-كلیل» کربوو.

حکوومەتا ئیراقێ ژی ئەڤ ئۆپەراسیۆنا ئارتێشا ترکیێ رەد کربوو و ئەڤ ئۆپەراسیۆن وەک بنپێکرنا سەروەریێ و بنپێکرنا پرەنسیپا جیرانه‌تیێ ب ناڤ کربوو.