پەکەکێ دیسا مەکینەیا دەرەوان شوغلاند

رێخستنا په‌كه‌كێ ئیرۆ ماشینا ده‌ره‌وان لێخست و ووسا گوڕ كر‌ ب ئاوایه‌كی كو گۆتییه‌ ته‌نێ د 24 ساعه‌تێن ده‌رباسبوویی دا‌، چه‌كدارێن وێ 24 له‌شكه‌رێن ترك ل زاپێ كوشتنه‌ و 3 هه‌لیكۆپته‌ر ژی ئێخستنه‌.

هه‌په‌گێ كو باسكێ له‌شكه‌ری یێ په‌كه‌كێ یه‌، ئیرۆ رۆژا یه‌كشه‌مبی 29\5\2022 داخویانی دایه‌ و ئه‌شكه‌ره‌ كرییه‌ كو ژ دوهـ رۆژا شه‌مبی چه‌كدارێن وان 24 داگیركه‌رێن ترك ل زاپێ كوشتنه‌ و هه‌روه‌ها 3 هه‌لیكۆپته‌ر ده‌رب دانه‌ و ئێخستنه‌.

هه‌په‌گێ ئه‌ڤ یێك گۆتییه‌ و هه‌موه‌خت كوشتنا چه‌كداره‌كا خوه‌ یا د ته‌مه‌نا زارۆكتیێ ژی ده‌ راگهاندییه‌.

ل گۆری په‌كه‌كێ ژ 17 نیسانا ئیسال 2022 و ده‌ستپێكرنا ئۆپه‌راسیۆنا تركیێ یا ب ناڤێ «په‌نجه‌ – كلیل»، چه‌كدارێن رێخستنێ نێزی 800 له‌شكه‌رێن ترك كوشتنه‌ و 11 هه‌لیكۆپته‌رێن جه‌نگێ یێن ئارتێشا تركیێ ئێخستنه‌!!.