موسەنا ئەمین: بلا پەکەکە بزانیت ئەم نە وەک وانین

موسەنا ئەمین: بلا پەکەکە بزانیت ئەم نە وەک وانین

سەرکردەیەکێ یەکگرتوویا ئیسلامییا کوردستانێ بەرسڤا بوختان و تۆھمەتێن پەکەکێ دا و راگەھاند، ئەم نە وەک وانین.

ئەڤە چەند رۆژن مەدیایا پەکەکێ ئێرشەک ل دژی یەکگرتوو دایە دەستپێکرن کو ئەو ل ھەمبەر حکوومەتا کوردستانێ خوەدان ھەلوەستەکا لاوازە.

ل سەر ڤێ مژارێ، ئەندامێ سەرکردەتیا یەکگرتوو و پارلەمەنتەرێ وێ پارتیێ ل پارلەمەنتۆیا ئیراقێ، موسەنا ئەمین ژ بۆ باس نیوسێ گۆت، ل با مە بەرژەوەندیێن کوردستانێ ل پێشیا ھەر تشتەکی یە و ھەلوەست و رەفتارێن مە ژی ل سەر ڤی ئەساسی نە.

موسەنا ئەمین ھەر وھا گۆت، بلا دەستپێکێ پەکەکە بێژە کا چما شەرێ خوە و ترکیێ دەرباسی ناڤ خاکا ھەرێما کوردستانێ کریە، پاشێ گلی و گازندان بکە. دڤێت پەکەکە سیاسەتا خوە ل بەر چاڤان دەرباس بکە. ترکیا ژی دڤێت ڤێ یەکێ بزانیت کو ئاریشە و پرسگرێک ب شەری نە لێ ب دیالۆگ و رێکێن ئاشتیانە چارەسەر دبن.

وی سەرکردەیێ یەکگرتوو ئانی زمان، ئەو و پەکەکە نە وەک ھەڤن ژ بەر وێ ژی ھەلوەست و رێبازا وان جودایە. بلا پەکەکە ڤێ یەکێ باش بزانیت.

پوستێن ھەمان بەش

کێ «ئوگور مومجوو» کو گۆتبوو دێ په‌یوه‌ندیێن «ئۆجالان و میتێ» ئاشکرا که‌م، کوشت؟

ugur mumca-darkamazi-arami