ل پارێزگەها ئێلهێ یا باکورێ کوردستانێ، هەڤسەرۆکا شارەدارییا ئێلهێ سۆنگول کۆرکماز کو ژ کار هاتیە دوورخستن ژی د ناڤ دە یه، 11 رێڤەبەر و ئەندامێن ههدهپێ یێن ژن هاتن دەستەسەرکرن.
ههدهپه ژن (ههدهپه کادن) ل سەر حەسابا خوە یا تویتهرێ ب پەیامەکێ راگهاند کو ئیرۆ 31ێ گولانا 2022ێ ل پارێزگەها ئێلهێ رێڤەبەر و ئەندامێن پارتیا وان هاتنە دەستەسەرکرن و دبێژە: «پۆلیسان ب سەر مالان دە گرتنە و هەڤسەرۆکێن مە یێن شارەدارییان، رێڤەبەرێن ناڤچە و باژاران و چالاکڤانێن تەڤگەرا ژنێن ئازاد (تژا) هاتنە دەستەسەرکرن.
د بەردەوامیا پەیاما خوە دە ههدهپه ژن دبێژە: «دەستهلات ب ئۆپەراسیۆنێن سیاسی یێن قركرنێ دخوازە تۆلا کریزا خوە بستینە. دێ دەستهلات وەندا بکە، ژن ژی بسەرکەڤن».
ل گۆر ئاگاهیان، کەسێن هاتنە دەستەسەرکرن ئەڤن:
هەڤسەرۆکا شارەدارییا ئێلهێ سۆنگول کۆرکماز، هەڤسەرۆکا شارەدارییا بەکرهان گولستان سۆنوک، هەڤسەرۆکا شارەدارییا هەزۆ نازمە ئاڤج، هەڤسەرۆکا بەرێ یا ههدهپێ یا ئێلهێ فاتما ئابلای، ئەنداما مەجلسا گشتی یا باژێر سەمرا گونەش، هەڤسەرۆکا ناڤەندا ههدهپێ گوربەت دۆگان، چالاکڤانێن تژایێ گوربەت بۆزیگت، هالدە کەسەر، گولنور دەل، زەینەپ ئۆدونجو و روکەن زەریام.
ل گۆر زانیاریان، 11 کەسێن هاتنە دەستەسەرکرن بۆ رێڤەبەرییا ئاسایشێ یا ئێلهێ هاتنە برن.