بالافرێن تركیێ په‌یام بۆ چه‌كدارێن په‌كه‌كێ ئاڤێتن

بالافرێن تركیێ هنه‌ك په‌یام ژ بۆی چه‌كدارێن رێخستنا په‌كه‌كێ ئاڤێتنه‌ و ژێ خوه‌ستنه‌ كو ره‌فێن رێخستنێ ب جی بهێلن.

ل گۆری هنه‌ك دۆكیۆمه‌نتا كو ب ده‌ست كه‌نالا كوردستان 24 كه‌تنه‌، بالافرێن تركیێ ل گوندێن بنارا قه‌ندیلێ ل سینۆرێ قه‌زا پشده‌رێ، هنه‌ك په‌یام ژ بۆی چه‌كدارێن په‌كه‌كێ ئاڤێتنه‌ و تێ ده‌ خوه‌ستییه‌ ره‌فێن رێخستنێ ب جی بهێلن و خوه‌ نه‌دن كوشتن.

هنه‌ك ژ ڤان په‌یامێن ده‌وله‌تا تركیێ كه‌تنه‌ ده‌ستێ هنه‌ك ژ شێنیێن گوندێن سینۆرێ قه‌ندیلێ كو هنه‌ك خال تێ ده‌ هاتنه‌ نڤیساندن، وه‌كه‌ هه‌وله‌كێ بۆ چێكرنا باوه‌ریێ ژ بۆی چه‌كدارێن په‌كه‌كێ كو رێزێن رێخستنێ ب جی بهێلن و خوه‌ فه‌دا نه‌كن.

به‌شه‌ك ژ گوندێن بنارا قه‌ندیلێ ل سینۆرێ قه‌زایێن پشده‌ر و ره‌واندزێ ب سه‌ده‌ما هه‌بوونا چه‌كدارێن په‌كه‌كێ چه‌ندین جاران هاتنه‌ بۆردۆمان كرن و زرارێن جانی و ماددی ب گوندییان كه‌تنه‌.