سەکرەتەرێ گشتی یێ پارتیا دەمۆکراتا کوردستانا ترکیا (PDKT) سەعید ئەلچی رۆژەکا وەک ئیرۆ، بەری 51 سالان ژ ئەنجاما کۆمپلۆیەک تاری ژ ئالیێ «در.شڤان» و ھەڤالێن وی ڤە ھاتە شەھید کرن.
ئەلچی 1ێ خزیرانا 1971ێ ل باشوورێ کوردستانێ ب ئاوایەک ھۆڤانە ھاتە قەتل کرن.
دەما ئەلچی ھاتی شەھید کرن گۆتنا خوە یا داوی دبێژە: “دەما ئەز کەتم سەر ڤێ رێیێ من دزانی ئەزێ رۆژەکێ هێم کوشتن، لێ چ جاران من تەخمین نەدکر کو دێ کوشتنا من ب دەستێ کوردەکێ بیت”.
گەلەک گۆتار و دیتنێن جودا ل سەر شەھیدکرنا «سەعید ئەلچی» و ھەڤالێ وی «محەمەد بەگ» ھاتن نڤیساندن و گۆتن.
لێ مخابن گەلەک جاران ژی ھندەک کەسان شەھید کرنا ئەلچی ژ بۆ خوە کرن وەک ئالاڤەک سیاسی و بەرژەوەندیێن خوە دەستڤە ئانین. گەلەک ڤەکرییە دەما مرۆڤ د شەھیدکرنا «سەعد ئەلچی» و ھەڤالێ وی دا بەحسا ھندەک ناڤان نەکە یان ژی ھنسەک تشتا نەبێژە، دیرۆک جاردن راستیا ھەیی دەرتێخە ھۆلێ.
بوویەرەک دلتەزین بوو، بوویەرەک بوو کو گەرەک نەبوویە. لێ نابیت مرۆڤ ڤێ بوویەرێ ڤەشێریت و بدە ئالیەکێ. پێدڤییە ئەڤ بوویەرە ب ئاوایەکێ راستەقێنە بهێتە گۆتن. لێ نابە چ جارا ئەڤ بوویەرە ببیتە سەدەما ھندەک ناکۆکیێن سیاسی. پێدڤییە تەڤگەرا ئازادیخوازا کوردستانێ دەرسەکا دیرۆکی ژ ڤێ بوویەرێ وەربگریت.
«سەعید ئەلچی »میناکا وەلاتپارێزیا کوردان بوو و ھەروەھا سەروەرێ خەتا نەتەوی ل باکورێ کوردستانێ بوو. کەسایەتەک فەداکار و خەباتکارەک دلپاکژ و چالاک بوو.
ئەگەر ئیرۆ ل باکورێ کوردستانێ ھێژا تۆڤێن خەتەک نەتەوی و کوردستانی ھەبە ئەنجاما خەباتا «سەعید ئەلچی»یە.
سەعید ئەلچی ھەر تم وەک رێبەرێ خەتا نەتەوی ل باکورێ کوردستانێ دێ د دلێ مە دا ژیت و خەبات و سیاسەتا وی ژ بۆ مە رۆناھیەکە.
ئەم سەعید ئەلچی و ھەموو شەھدێن رەیا نەتەوی ب رێزداری بیرتینن.
