میتا ترکیێ بەرپرسەکێ دی یێ پەکەکێ ل سلێمانیێ کوشت

ئیستخباراتا نەتەوەیی یا ترکیێ “میتێ” د ئۆپەراسیۆنا ل سلێمانیێ ئەنجام دای دا «محمەد دۆگان»  کو یەک ژ بەرپرسێن پایەبلند یێن پەکەکێ یە، کوشت.

ل گۆر ئاگاھیێن تایبەت یێن پێگەها دارکا مازی، ئەڤ بەرپرسێ پەکەکێ د ئێریشا بالەفرێن بێ پیلۆت یێن ترکیێ کو ل 21/5/2022یێ دا ل چەمچەمالێ هاتبوو کرن دا، هاتیە کوشتن.

محەمەد دۆگان بەرپرسێ میحوەرێ کەرکووکێ یێ پەکەکێ بوو، ئەو ب کۆد ناڤێ “دلخواز گابار” د ناڤا رەفێن پەکەکێ دا دهات ناسکرن و ل سالا 1991ێ تەڤلی رەفێن پەکەکێ بووبوو.

تەڤی ڤێ یەکێ کو کوشتنا ڤی بەرپرسێ پەکەکێ ژ ئالیێ سازیێن مەدیایی ڤە هاتیە تەکەز کرن ژی، لێ هەیا نها پەکەکێ چ داخویانیەک د ڤێ دەربارێ دا پارڤە نەکریە.

ب ئاوایەک گشتی رێخستنا پەکەکێ کوشتنا رایەدارێن خوە زوو ب زوو ئەشکەرە ناکە، هندەک جاران پشتی دەرباسبوونا چەندین سالان ژ نوو تێ و کوشتنا وان د مەدیایا خوە دا رادگەهینیت و وان وەکە قەهرەمانێن ئۆجالان ب ناڤ دکە.