ئیرۆ پێنجشەمبێ لەشکرێ ترکیێ گوندێ راڤینا و گوندێ گوهەرزێ یێن سەر ب ناڤچەیا ئامێدییێ ل ھەرێما کوردستانێ بۆمبەباران کرن.
ل گۆر ئاگاهیێن تایبەت یێن پێگەها دارکا مازی، لەشکرێ ترکیێ 10 تۆپ ل دەمژمێر 15:25 ل ئاقارێ گوندێ راڤینا دانە و ت زیانێن جانی چێنەبوونە، لێ ترس د ناڤ خەلکێ دا چێکریە، ئەڤ تۆپ ژ ئالیێ ئارتێشا ترکیێ ڤە ژ نوقتەیێن لەشکەرییێن ل سەر سینۆر ھاتنە ئاڤێتن و ل باغ و زەڤیێن گوندیان کەتنە.
هەر وها ژ ئالیێ دن بالەفرێن شەر یێن ترکیێ ل دەمژمێر 18:10 بلنداهیێن چیایێ مەتینا ل هنداڤی گوندێ گوهەرزێ ژی بۆمبەباران کر.
