سەرۆکێ ئامەریکایێ جۆ بایدن د نامەیەکێ دا پیرۆزباھی ل پێشمەرگەیەکێ کوردستانێ کر و ھێڤیا ژیانەکا بەختەوەر ژ بۆ خواست.
حوسێن مەھدی خورشید بارزانی کو ژ بۆ پەروەردەیێ چوویە ئامەریکایێ، کاریە پلەیا یەکەم د پەروەردەیا بلندا ھێزێن دەریایی یا ئامەریکایێ دا ب دەست بخە و بوویە جھێ شانازیا کۆشکا سپی و پشتی ھاتنا حوسێن نامەیا پیرۆزباھیێ گھشتە وی.
بەریا نھا کۆنسولخانەیا ئامەریکایێ یا ل ھەولێرێ ژ بەر کو ئەو پێشمەرگە ل ئامەریکایێ بوو یەکەم، پیرۆزباھی ل ھەرێما کوردستانێ کربوو، لێ بەلێ ڤێ جارێ سەرۆکێ ئامەریکایێ جۆ بایدن ب خوە نامەیەک ژ بۆ حوسێن مەھدی خورشید بارزانی شاند و پیرۆزباھیا ژداییکبوونا زارۆکێ وی یێ نوو لێ دکە.
حوسێن مەھدی خورشید بارزانی ژ بۆ K24 دیار کر: “پشتی کو من پەروەردەیا خوە ل کالیفۆرنیایێ تەمام کر و ل سەر ئاستا خوەندەکارێن بیانی بووم یەکەم، ژ بلی کو ب فەرمی پیرۆزباھی ل من ھات کرن، لێکۆلینا دەرچوونا من ژی، کو ل سەر ھێزێن پێشمەرگەیێ کوردستانێیە، ل وێ فاکولتەیێ بوو مژارا پەروەردەیێ.
ھەروھا ئەشکەرە کر: “نھا ئەز ڤەگەریامە و ل کوردستانێ مە، من ب رێیا ئیمایلێ پەیام شاندبوو فاکولتەیێ و داخوازا باوەرنامەیا خوە کربوو، وان ژ رەوشا من پرسی، من ژی گۆت زارۆکەکێ منێ نوو ھات دنیایێ، پشترا فاکولتە د راپۆرتا خوەیا نوو دا ژ بلی مژارا لێکۆلینا من، بەحسا ژداییکبوونا زارۆکێ من ژی کرنە.”
پێشمەرگە حوسێن مەھدی دیار کر کو جۆ بایدن نامەیەک راستەراست ژ بۆ وی نڤیساندیە و تێ دا پیرۆزباھیا ژداییکبوونا زارۆکێ وی لێ دکە.
