دەمیرتاش: ھەڤدیتن د ناڤبەرا دەولەتا ترکیێ و پەکەکێ دا ھەنە

دەمیرتاش: ھەڤدیتن د ناڤبەرا دەولەتا ترکیێ و پەکەکێ دا ھەنە

ھەڤسەرۆکێ بەرێ یێ «ھەدەپێ»، «سەلاحەدین دەمیرتاش» د پاراستنا خوەیا دۆزا کۆبانێ دا بەحسا پێوەندیێن دەولەتا ترکیێ و پەکەکێ کرن و ب ئاوایەکێ ب ڤان پێوەندیان بەرەڤانی ژ خوە کر و د دەربارێ پێوەندیێن دەولەتێ و پەکەکێ دا گۆت: بەرپرسێن دەولەتا ترکیا، ب بریارا کۆنسەیا ئەولەکاریا نەتەویێ ب ئەرێکرنا سەرۆککۆمار ل گەل رێڤەبەرێ پەکەکێ عەبدوللا ئۆجالان ھەڤدیتن ئەنجام دانە. د دەما ئاک پارتیێ دا 7 ھەڤدیتنێن گرینگ ھاتنە کرن. نھا ژی دبە کو ئەڤ ھەڤدیتن بەردەوامبن.

دەمیرتاش ژ بۆ چ د ڤێ قۆناغێ دا پێوست دبینە بەحسا ھەڤدیتنێن پەکەکێ و دەولەتێ دکە جھێ پرسیارێ یە. ھەرکەس دزانە کو، پێوەندیێن دەولەتێ و پەکەکێ ژ رۆژا رۆژ ڤە ھەتا نھا بەردەوامن و چ جارا ئەڤ پێوەندی قوت نەبوونە. ژ ئالیەک دن ڤە دەمیرتاش ژی دزانە کو، ھەماھەنگیەک د ناڤبەرا پەکەکێ و دەولەتا ترک دا ھەیە و ل گۆرا ڤێ ژی د گەلەک بوویەران دا ب ھەڤرا تەڤدگەرن.

ئەڤ ئاخافتنێن دەمیرتاش د دەمەکێ دانە کو بەری چەندەکێ د نڤیسەکا خوە دا گۆتبوو ژی: وەلاتێ مەیێ ھەڤبەش ترکیایە. دەولەتا مەیا ھەڤبەش کۆمارا ترکیایە. ئەم دێ دەمۆکراسیێ ل سەر بنگەهێن کۆماریێ ژ نووڤە ئاڤا کەین.

ئیرۆژی وەک تشتەک نە دیتی بەحسا پێوەندیێن دەولەتێ و ترکیا دکە. گەلۆ ممکنە رۆژەکێ دەمیرتاش ل خوە مکوور بهێت و بەحسا ھەموو بوویەران بکە؟ تشتا کو وی پاکژ بکە ئەڤە. رێیەک دن ژ بۆ وی نەمایە. ترسا مەزنا دەمیرتاش د ھەلوەستا ئۆجالان یا ل ھمبەری وییە.

پوستێن ھەمان بەش

کێ «ئوگور مومجوو» کو گۆتبوو دێ په‌یوه‌ندیێن «ئۆجالان و میتێ» ئاشکرا که‌م، کوشت؟

ugur mumca-darkamazi-arami