ل عەفرینێ و چەند دەڤەرێن دن یێن بن کۆنترۆلا ترکیێ دا، گەل ل دژی قوتکرنا کارەبێ و بوھابوونا کەرەستەیێن ژیانێ سەری ھلدا، ئێریشی شارەداری، رێڤەبەریا کارەبێ و سازیێن دن یێن فەرمی یێن دەولەتا ترک کر.
دیمەنێن کو د مەدیایا جڤاکی دا ھاتنە بەلاڤکرن، نیشان ددەن کو ل باژارێ عەفرینێ یێ رۆژئاڤایێ کوردستانێ خوەپێشاندان ل دژی سازیێن ترکیێ ھاتنە کرن و شیرکەتا ئەلەکتریکێ یا ترکیێ ل باژارێ عەفرینێ ھاتیە شەوتاندن و کەلووپەلێن ل ناڤ ئاڤاھیێ ھاتنە شکاندن.
نەرازیبوون ژ بەر خرابیا رەوشا ئەلەکتریکێ و بلندکرنا بھایێ ئەلەکتریکێ و خرابیا رەوشا ژیانێ پێک ھاتیە.
خوەپێشاندەران درووشمێن ل دژی ترکیێ گۆتن و یەک ژ درووشمێن وان ئەو بوو کو بلا ترکیا ژ ھەرێمێ دەرکەڤە.
ھەروھا پرانیا خوەپێشاندەران ژی ئەون کو ژ دەرڤەیی عەفرینێ ھاتنە ھەرێمێ و ل عەفرینێ نیشتەجی بوونە.
ل گۆر ئاگاهیێن ب سەدەما ڤان خوەپێشاندانا ھەتا نھا کەسەک هاتیە کوشتن و ھندەک کەسێن دن ژی بریندار بوونە.
