ژ بەر تۆپباران و مووشەکبارانا بەردەواما هێزێن ترکیێ یا ل سەر گوند و ناڤچەیا زرگانێ ل باکورێ رۆژئاڤایێ باژارێ حەسەکێ یێ رۆژئاڤایێ کوردستانێ، پرانیا خەلکێ زرگانێ دەربدەر بوون.
ل گۆر چاڤکانیێن رێڤەبەرییا خوەسەر، ژ بەر تۆپباران و مووشەکبارانا بەردەواما هێزێن ترکیێ بۆ سەر گوند و سازیێن خزمەتگوزاری و ناڤچەیا زرگانێ ل باکورێ رۆژئاڤایێ باژارێ حەسەکێ یێ رۆژئاڤایێ کوردستانێ، پرانیا خەلکێ زرگانێ بەر ب ناڤچەیێن ئارام ڤە دەربدەر بوون.
هەروهها ل گۆر هەمان چاڤکانیان تێ تەخمینکرن ژ سەدی 85ێ خەلکێ ناڤچەیا زرگانێ ژ بەر تۆپبارانا هێزێن ترکیێ دەربدەر بوونە.
4ێ خزیرانێ ژی، ژ بەر تۆپباران و مووشەکبارانا هێزێن ترکیێ یا ل سەر گوندێ ئوم ئەل-کێف ل ناڤچەیا تل تەمر ل باکورێ رۆژئاڤایێ حەسەکێ 6 سەربازێن حکوومەتا سووریێ بریندار بوون، هەڤدەم سەنترالا ئەلکتریکا تل تەمرێ ژی ژ بەر تۆپبارانا هێزێن ترکیێ ژ کار کەت.