نڤیسکار و رۆماننڤیسێ کورد «جان دۆست» تەکەز دکە، “پەکەکێ رۆژئاڤا کریە قوربانا سیاسەتا خوەیا وێرانکەر و دخوازە ل باشوورێ کوردستانێ ژی وھا بکە.”
نڤیسکار «جان دۆست» ل ھەژمارا خوە یا تایبەتا تۆرا جڤاکی “تویتەرێ” نڤیسی: “پەکەکێ رۆژئاڤا کرە قوربانا سیاسەتا خوەیا وێرانکەر. ل باشوورێ کوردستانێ ژی دخواست وسا بکە، لێ پێشمەرگە ھەبوون/ھەنە.”
جان دۆست د بەشەکا دن یا تویتا خوە دا فەرماندارێ گشتی یێ ھەسەدێ مەزلووم عەبدی ب کەسەکێ “جاھل” ب ناڤ کر و گۆت: “نھا بارەبارا مەزلووم عەبدییە بانگی رەژیما سووریێ دکە کو “سینۆرێن خوە” بپارێزە. تو برایێ خوە بکی دژمن ژ خوە تو دێ ھەوارا خوە گەهینی دژمنی ھەی جاھل.”
ئەڤە د دەمەکێ دایە، د ھەیاما بۆری دا سەرۆک کۆمارێ ترکیێ رەجەب تەیب ئەردۆگان گەفا دەستپێکرنا ئۆپەراسیۆنەکێ ل رۆژئاڤایێ کوردستانێ دکە و دبێژە، ئەو دێ ھەرێمەکا ئەولە ب کووراھیا 30 کیلۆمەتران ئاڤا بکە.
د وێ دەربارێ دا فەرماندارێ گشتی یێ ھێزێن سووریەیا دەمۆکراتیک (ھەسەدێ) مەزلووم عەبدی د ھەڤپەیڤینەکا تەلەفزیۆنی دا بانگ ل حکوومەتا سووریێ کر کو ل ھەمبەر گەفێن ترکیێ، سینۆرێن وەلاتێ خوە بپارێزە.
