رێخستنا په‌كه‌كێ، جاره‌كا دی هێرشی هێزێن پێشمه‌رگه‌هان كر و ل ناحیا كانی ماسێ ب چه‌كێن گران ل نوقته‌یه‌كا پێشمه‌رگه‌هان خستییه.
ل گۆری ئاگاهیێن ده‌ستێ مه، ئێڤارا دوهـی رۆژا یه‌كشه‌مبی 5\6\2022ێ چه‌كدارێن رێخستنا په‌كه‌كێ، ل چیایێ گامنێركێ گرێدای ناحیا كانی ماسێ، ب چه‌كێن گران ل نوقته‌یه‌كا هێزێن پێشمه‌رگه‌هان خستییه، وه‌ك هه‌وله‌كا ئیستفزازی ژ بۆ تێكدانا ئه‌وله‌هییا ده‌ڤه‌رێ.
چاڤكانیێن پێگه‌ها «داركا مازی» ل باشوورێ كوردستانێ ئه‌شكه‌ره كرن، چ زیانێن گیانی ب هێزێن پێشمه‌رگه‌هان نه‌كه‌تنه.
ئه‌ڤ هێرشا چه‌كدارێن په‌كه‌كێ، هه‌موه‌ختا ره‌ڤاندنا پێشمه‌رگه‌هه‌كێ دی دهێت كو هه‌ر دوهـی چه‌كدارێن رێخستنێ ب ته‌رزێ ته‌رۆریستان ل ناحیا گرعزێر یا شه‌نگالێ ب سه‌ر مالا وی دا گرتبوون و ئه‌و ژ مالێ ره‌ڤاندبوو.
رێخستنا په‌كه‌كێ هه‌ر ل ناڤبه‌را چه‌ند مه‌هان هێرشان دبه‌ته سه‌ر هێزا پێشمه‌رگه‌هان وه‌ك هه‌وله‌كێ ژ بۆی تێكدانا ئه‌وله‌هییا ده‌ڤه‌رێ، ل دو سالێن داویێ هه‌ری كێم 13 پێشمه‌رگه ژ هێلا په‌كه‌كی ڤه هاتنه شه‌هید كرن.
