ئاژانسا فەرمی یا دەولەتا ترکیێ «ئانادۆل»ێ راگهاند، «دلبرین کاچار» یا ب کۆدناڤێ «رۆژدا» کو چەکدارەکا پەکەکێ یە و بەشداری چالاکیێن جودا بوویە، ب ئۆپەراسیۆنا کو سازییا ئیستخباراتا ترکیێ یا ب ناڤێ (میت) ل سووریایێ ئەنجامدای هاتیە دەستەسەرکرن و پشترا ژی ئەو بۆ ترکیێ هاتیە ڤەگوهاستن.
ل گۆر زانیاریێن ئاژانسا ئانادۆلێ، کاچار د 2015ێ دا تەڤلی رەفێن پەکەکێ بوویە، نێزی سالەکێ ل ھەرێمێن «جوودی و گابارێ» چالاکی کرنە و پاشێ د 2016ێ دا پەکەکێ ئەو شاندیە رۆژئاڤایێ کوردستانێ.
هەر وها ئانادۆلێ ئەشکەرا کر، «کاچار» ل شەنگالێ پەروەردەیا لەشکری دیتیە، پشترا هاتیە شاندن بۆ رۆژئاڤا کوردستانێ و ل وڕ بەشداری چەندین چالاکیێن ل دژی لەشکرێ ترکیێ بوویە.
ئەڤ یەک د دەمەکی دا یە کو هەیا نها پەکەکێ چ ئاگاهی دەربارێ کاجار و رەڤاندنا وێ د چ یەک ژ مەدیایێن خوە دا پارڤەنەکرنە.
