ئیرۆ 7/6/2022 سالڤەگەرا بریار دایینا رێڤەبەریا سیاسی یا ھەرێما کوردستانێ ل سەر رێڤەچوونا رەفراندۆما سەرخوەبوونا کوردستانێیە کو پشترا رۆژا 25/9/2017ێ ب بەشداریەکا چالاکا جڤاکا سەربخوەییخوەزا ھەرێما کوردستانێ و ناڤچەیێن کوردستانێ یێن دەرڤەیی ئیدارەیا ھەرێما کوردستانێ ڤە ب ئاوایەکی سەرکەفتی برێڤە چوو و نێزیکی سەدی 93 گەلێ کوردستانێ دەنگ ژ بۆ سەرخوەبۆنا کوردستانێ دا.
رۆژا 7ێ خزیرانا سالا 2017ێ جڤینا سەرۆک بارزانی یا ل گەل پارتی و ئالیێن سیاسی و رێڤەبەریا سیاسی یا ھەرێما کوردستانێ دا بریار ھاتە دایین رۆژا 25/9/2017ێ رەفراندۆم بۆ دیار کرنا چارەنڤیس و سەرخوەبوونا باشوورێ کوردستانێ برێڤە بچیت.
پشتی وێ بریارێ ئەنجوومەنا بلندا رەفراندۆمێ ژ ھەموو پارتی و ئالیێن سیاسی یێن ھەرێما کوردستانێ ژ بۆ برێڤەچوون و چاڤدێری کرنا رەفەراندۆمێ پێکھات و ژ ئالیێ ئەنجوومەنا بلندا رەفراندۆم و سازیێن فەرمی یێن ھەرێما کوردستانێ ڤە کۆمیسیۆنا بلندا سەربخوە یا ھەلبژارتن و راپرسیا ھەرێما کوردستانێ ھاتە ئەرکدار کرن، کو پرۆسەیا رەفراندۆما سەرخوەبوونا کوردستانێ ل ھەرێما کوردستانێ و ناڤچەیێن کوردستانێ یێن دەرڤەیی ئیدارەیا ھەرێما کوردستانێ برێڤە ببە.
کۆمیسیۆنا بلندا سەربخوە یا ھەلبژارتنان پشتی ئامادەکاریان د دەما ھاتی دیار کرن دا، یەکەم رەفراندۆما سەرخوەبوونا کوردستانێ برێڤە بر و نێزیکی سەدی 93 یا دەنگدەران دەنگێ “بەلێ” بۆ سەرخوەبوونا باشوورێ کوردستانێ دا.
