رۆژ ده‌رباس نابيت كو ته‌وانه‌كا په‌كه‌كێ ئاشكه‌را نه‌بیت، ئیرۆ ژی رێخستنێ مرنا 3 زارۆكێن دی راگه‌هاند كو ل شباتا ئیسالێ ب ده‌ستێ عه‌سكه‌رێ ترك ل حه‌فته‌نینێ داینه كوشتن.
هه‌په‌گه باسكێ له‌شكه‌ری یێ په‌كه‌كێ، هه‌ر رۆژ وێنه‌یێن كۆمێن زارۆك، كه‌چ و جوانێن كوردان به‌لاڤ دكه‌ت یێن كو ب ده‌ستێ عه‌سكه‌رێ ترك دهێن فه‌دا كرن، پرانی ژێ ل سالێن به‌رێ ژیانا خوه ژ ده‌ست دا ینه، لێ به‌لێ په‌كه‌كه پاش ده‌رباسبوونا سالان ژ نوو دهێت و دبێژیت: «مه هه‌ڤالێن خوه فه‌دائیێن ئاپۆ وه‌ندا كرنه».
ئیرۆ رۆژا سێشه‌مبی 7/6/2022 هه‌په‌گێ ناسنامه‌یا 3 گه‌ریلایان دو ژێ زارۆك ئاشكه‌را كرن كو ل شباتا ئیسالێ ل حه‌فته‌نینێ ب داینه كوشتن.
هه‌په‌گێ تام ئاگاهی ده‌ربارێ وان ئیفشا كرینه، لێ به‌لێ چ ئاگاهی ده‌ربارێ ته‌مه‌نا وان نه‌دایه ژ بۆ كو تاوانا ره‌ڤاندنا زارۆكان ل سه‌ر رێخستنێ ته‌سبیت نه‌بیت.
په‌كه‌كه ژ بۆی چێكرنا شه‌رڤانان پشت به‌ستنێ ل سه‌ر ره‌ڤاندنا زارۆكان دكه‌ت، پرانییا شه‌رڤانێن كو دهێنه فه‌دا كرن هێژان د ته‌مه‌نا زارۆكتیێ یان نوو ته‌مه‌نا زارۆكتیێ ده‌رباس كرینه.
ته‌نێ د مه‌ها رابووری دا، مه‌دیایا په‌كه‌كێ وێنه‌یێن پتری 100 كه‌چ و جوان و زارۆكان به‌لاڤ كرینه كو ل سه‌ر خاكا باشوورێ كوردستانێ فه‌دا كرینه، په‌كه‌كه د په‌سنا وان ده دبێژیت: «ئه‌و ملیتانێن ئاپۆیی نه، هێژان ئه‌و زارۆك بوون وه‌ختا وان فه‌لسه‌فا ئاپۆ فێم كری»!!.
