ناكۆكیێن دژوار د نێڤبه‌را هه‌ڤسه‌رۆكێن ته‌ڤگه‌را ئازادی و جه‌میل باییك ده‌ ده‌ركه‌تنه‌

Tevgera Azadî û Cemîl Bayîk -tara hisen-mihemed ebdulla

هه‌ڤسه‌رۆكێن ته‌ڤگه‌را ئازادی یا جڤاكا كوردستانێ «ته‌ڤگه‌را ئازادی» ل دو مه‌هێن داوی راستی حه‌مله‌یه‌كا دژوار ئا ئێریش و ره‌خنه‌یان ژ هێلا كادرۆیێن په‌كه‌كێ ڤه‌ هاتن، پشتی كو ناكۆكی ل نێڤبه‌را وان و جه‌میل باییك ده‌ ده‌ركه‌تین.

چاڤكانیێن پێگه‌ها «داركا مازی» ئه‌شكه‌ره‌ كر، ل ئاهه‌نگا نه‌ورۆزا ئیسال 2022 یا رێخستنێن په‌كه‌كێ كو ل بنارا قه‌ندیلێ هاتبوو لدارخستن، «محه‌مه‌د عه‌بدوللا و تارا حسێن» یێن هه‌ڤسه‌رۆكێن ته‌ڤگه‌را ئازادی یا سه‌ر ب په‌كه‌كێ ڤه‌، ل ور ئاماده‌ بوون.

چاڤكانیێن مه‌ ده‌ستنیشان كر، د مه‌راسیما ئاهه‌نگێ ده‌ و وه‌ختا په‌یاما ده‌نگی یا جه‌میل باییك هه‌ڤسه‌رۆكێ كه‌جه‌كێ هاتییه‌ لیخستن كو ته‌یبه‌ت بوو ب پیرۆزكرنا نه‌ورۆزێ، هه‌ڤسه‌رۆكێن ته‌ڤگه‌را ئازادی محه‌مه‌د عه‌بدوللا و تارا حسێن، گوهدارییا گۆتارێ نه‌كرن و هه‌یا گۆتار ب داوی بووی، ئه‌و مژوولی وێنه‌ گرتنێ بوون.

چاڤكانیێن پێگه‌ها «داركا مازی» هه‌ر وها دیار كرنه‌، ب سه‌ده‌مێ ڤێ ره‌فتارێ هه‌ڤسه‌رۆكێن ته‌ڤگه‌را ئازادی ژهێلا رێڤه‌به‌ری و كادرۆیێن په‌كه‌كێ ب ته‌یبه‌ت كادرۆیێن باكور راستی حه‌مله‌یه‌كا دژوار یا ئێریش و ره‌خنه‌یان هاتنه‌.

ل گۆری ئاگاهیێن ته‌یبه‌ت یێن پێگه‌ها «داركا مازی»، هه‌ڤسه‌رۆكێن ته‌ڤگه‌را ئازادی ئه‌ڤ یێك ب زانه‌بوون ئه‌نجام دانه‌ و وان ب ئه‌نقه‌سد گوهدارییا جه‌میل باییك نه‌كرنه‌، ژ به‌ر كو ئه‌و ل دژی بریارا جه‌میل باییك یا ده‌ربارێ هلبژارتنێن پارلمه‌نتۆیا ئیراقێ بوون كو ل وێ ده‌مێ ته‌علیمات ژ رێخستنێن په‌كه‌كێ ره‌ شاندبوون ده‌نگی ب لیستا یه‌نه‌كێ بدن.

په‌كه‌كه‌ سالانه‌ ئاهه‌نگا نه‌ورۆزێ ژ بۆی رێخستنێن خوه‌ ل بنارا قه‌ندیلی ساز دكه‌، هه‌ر سالێ هه‌ژماره‌كه‌ هه‌ری زێده‌ یا كادرۆ و رێخستنێن په‌كه‌كێ به‌شداردبن، لێ د ئاهه‌نگا ئیسال 2022ێ ده‌، هه‌ژماره‌كه‌ هه‌ری كێم به‌شداربوون و ئه‌ڤ یێك بوو سه‌ده‌م كو رێڤه‌به‌رییا په‌كه‌كێ و كادرۆیێن وێ، ئێریش و ره‌خنه‌یێن دژوار ل هه‌ڤسه‌رۆكێن ته‌ڤگه‌را ئازادی بكن.

پوستێن ھەمان بەش

گەلۆ هەپەگە کەتیە قۆناغا دویەمینا شەرێ ل دژی پێشمەرگە؟

pkk-kani mase-peshmarga-hpg