چالاکڤانێن کورد تەکەز کرن کو چەکدارێن پەکەکێ ناڤێ سەرۆکێ رەژیما سووریێ بەشار ئەسەد ل سەر «گر رفعەت» یێ ل ناڤچەیا «شەھبا» یا سینۆرێ حەلەبێ نڤیساندنە و ئالایێ رەیژما سووریێ ژی بلند کرنە.
د ڤێ دەربارێ دا چالاکڤانێ کورد «عەلی زینۆ» ژ باس نیوسێ را راگەھاند: “پەکەکێ، ژ بۆ پاراستنا ناڤچەیێ ھەوارا خوە بریە گەل رەژیما سووریێ، کو زێدەتر ژ 100 ھەموەلاتیێن عەفرینێ ل وێ دەڤەرێ نشتەجیھن، لێ رەژیم گوھ نادە ژ بەر ل سووریێ بریار د دەست رووسیا و ئیرانێ دەیە.”
ھەرواھا گۆت: “پەکەکە کو تەنێ بریارێ ل سەر رۆژئاڤایێ کوردستانێ ددە، بەرپرسیارتیا ھەمبەر بەلایێن سەرێ خەلکێ عەفرین و تل رفعەتێ و دەردۆرا وی ژی دکەڤە ستوویێ وان دا.”
چالاکڤان عەلی زینۆ دبێژە: “خەلکێ عەفرینێ سالا 2018ێ ڤە ل ناڤچەیێن «شەھبا» د بن کۆن و چادران دا نە و دەردۆرا وان ھاتیە مین کرن، ھەر دەمەکێ ترکیا لەشکەر و ملیسێن خوە بینە ناڤچەیێ، دێ کارەساتەک مەزن ب سەرێ خەلکێ دا هێت.”
ھەرواھا گۆت: “ل گۆر پەکەکێ نڤیساندنا ناڤێ بەشار ئەسەد ل سەر «گر رفعەت» دێ ناڤچەیێ پارێزیت، وەک چاوا بەرێ عەفرین و گرێ سپی و سەرێ کانیێ پاراستی.”
ھێزێن سووریا دەمۆکرتایک (ھەسەد)ێ چەند ھەفتیێن بۆری دا دوبارە داخواز ژ رەژیما سووریێ کرن ھەڤکاریێ ل گەل وان بکە، کو وەک ئەو دبێژن ل ھەمبەر ئێریشێن لەشکەری یێن ترکیێ راوەستن. ل ھەمبەر وێ یەکێ بەشار ئەسەد ژی ھەسەدێ وەک کرێگرتی پێناسە دکە.
