وه‌زاره‌تا به‌رگریێ یا تركیێ، كوشتنا دو له‌شكه‌رێن خوه ل ناڤچه‌یێن سینۆری یێن هه‌رێما كوردستانێ راگهاند، هه‌موه‌خت برینداربوونا دو له‌شكه‌رێن دن.
وه‌زاره‌تا به‌رگریێ یا تركیێ د داخویانییه‌كێ ده ئه‌شكه‌ره كر، د چارچووڤه‌یا ئۆپه‌راسیۆنا په‌نجه كلیل ده ل ناڤچه‌یێن سینۆری، بۆمبه‌ك ب كاروانه‌كی ئارتێشا وان ده ته‌قیایه و د ئه‌نجامێ ده، له‌شكه‌ره‌ك هات كوشتن و 3 بریندار بوون.
ده‌ستنیشان كر، پاش كو بریندار ژ بۆی نه‌خوه‌شخانێ هاتنه راكرن، یه‌ك ژ وان ب سه‌ده‌ما گرانییا برینێ ژیانا خوه ژ ده‌ست دا.
ل 18 نیسانا ئیسالێ، ئارتێشا تركیێ ئۆپه‌راسیۆنا ب ناڤێ په‌نجه كلیل ل ناڤچه‌یێن سینۆری یێن نێڤبه‌را باكورێ كوردستانێ و هه‌رێما كوردستانێ ل دژی په‌كه‌كێ ده‌ستپێكربوو و هه‌یا نها ئه‌ڤ ئۆپه‌راسیۆن به‌رده‌وامه.
