ل سەر سینۆرێ باکورێ کوردستان و رۆژھلاتێ کوردستانێ ژ ئالیێ ترکیێ ڤە ب درێژاهیا 40 کیلۆمەتران دیوار ھات دانین و 233 کیلۆمەتر خەندەک ژی ھات کۆلاندن.
ل گۆر ئاژانسا فەرمی یا حکوومەتا ترکیێ “ئاژانسا ئاندۆل” ل سەر سینۆرێ باکور و رۆژھلاتێ کوردستانێ ژ چێکرنا دیوارێ 295 کیلۆمەترەیی 40 کیلۆمەتر تەمام بوویە، 233 کیلۆمەتر خەندەک ژی ھات کۆلاندن.
ژ بۆ چێکرنا دیواری ل سینۆری 22 زەڤیێن مایین لێ هەیی ھاتن پاقژکرن، د نها دا ھێزێن ئەولەھیێ یێن ترکیێ مایینێن دن ژی پاقژ دکن.
ل گۆر ئامارێن ئاژانسا ئانادۆلێ ئیسال رێ ل بەر 47 ھەزار و 403 کۆچبران ھات گرتن کو ئەو ژ سینۆری دەرباس ببن. ل تەڤاھیا باژێر ژی 6 ھەزار و 805 کۆچبەر ھاتن گرتن و رادەستی ناڤەندا پاشڤەشاندنێ یا ئیدارەیا کۆچێ یا باژێر ھاتن کرن.
ژ 887 کەسێن قاچاغچیتیێ دکن ژی 297 کەس ھاتن گرتن. ھەروھا ھێزێن ئەولەھیێ یێن ترکیێ دەست دانینە سەر 368 ترۆمبێلان و 166 ئاڤاھیێن کەڤن یێن کو کۆچبەر لێ دمینن ژی ھاتن ھلوەشاندن.
