چه‌ته‌یێن تركیێ 15 كه‌س ل رۆژئاڤا كوردستانێ ره‌ڤاندن

Afrin-Syria's-complex-conflict

د حه‌فتیه‌كێ دا، 15 وەلاتیێن سڤیل ژ ئالیێ گرووپێن چەکدارێن ئۆپۆزسیۆنا سووریێ یێن سەر ب ترکیێ ڤە هاتنە گرتن.

ئامارێن نوو یێن ناڤەندا بەلگەکرنا بنپێکرنان ل باکورێ سووریێ دیار دکن کو د دەما حەفتیا بۆری دا 15 وەلاتیێن سڤیل ل ناڤچەیێن باکورێ سووریێ و رۆژئاڤایێ کوردستانێ، ل عەفرین، گرێ سپی و سەرێ کانیێ، ژ ئالیێ گرووپێن چەکدار ڤە هاتنە گرتن.

ناڤەندا بەلگەکرنا بنپێکرنان ل باکورێ سووریێ دیار کریە، هەژمارا گرتیان ژ ئالیێ وان گرووپان ڤە ژ دەستپێكا سالا 2022ێ ڤە هەتا نها گه‌هشتیە 300 کەسێن سڤیل.

ل گۆری ئامارێن هەمان ناڤەندێ، د سالا 2021ێ دا ل هەرێما عەفرینێ 719 وەلاتیێن سڤیل هاتن گرتن و ناڤێن وان ژی هاتنە بەلگەکرن.

هەمان چاڤکانیێ تەکەز کریە، هەژمارا گرتیان ژ وێ یەکێ پتره‌، لێ ژ بەر کو بەشەک ژ مالباتان نەوێرن ناڤێن گرتیێن خوە تۆمار بکن، ئێدی تەنێ هەژمارا ناڤێن تۆمارکری تێ راگهاندن.

ژ 20ێ چلەیا 2018ێ ڤە هەتا نها 8 هەزار و 441 کەس ل عەفرین و باکورێ سووریێ هاتن گرتن، ژ وان 6 هەزار 240 کەس هاتنە بەردان، لێ چارەنڤیسا گرتیێن مایی نەدیارە.

پوستێن ھەمان بەش

کێ «ئوگور مومجوو» کو گۆتبوو دێ په‌یوه‌ندیێن «ئۆجالان و میتێ» ئاشکرا که‌م، کوشت؟

ugur mumca-darkamazi-arami