ئارتێشا ترکیێ ل چیایێ جودی ئۆپەراسیۆنەکا نوو دا دەستپێکرن

cudi-turkey-operasyon-pkk

وەزارەتا ناڤخوە یا ترکیێ راگهاند، هێزێن وان ل پارێزگەها شرنەخێ یا باکورێ کوردستانێ ئۆپەراسیۆنەکا نوو ب ناڤێ «دۆرپێچ -17» دانە دەستپێکرن.

ل گۆری داخویانیا وەزارەتا ناڤخوە یا ترکیێ، ئیرۆ دوشەمبێ 13ێ خزیرانا 2022ێ ل چیایێ جودی و گەلیێ تووشمیا یێ سەر ب  پارێزگەها شرنەخێ یا باکورێ کوردستانێ ڤه‌، ئۆپه‌راسیۆنه‌كا نوو ب ناڤێ « دۆرپێچ -17» ل دژی په‌كه‌كێ هاتیە دەستپێکرن.

د داخویانیێ دا تێ گۆتن کو هێزێن تایبەتێن جەندرمە، پۆلیس و کۆماندۆ ژی ب ته‌ڤاهی 574 ئەندامێن ئارتێشا ترکیێ د ڤێ ئۆپەراسیۆنێ به‌شدارن.

وەزارەتا ناڤخوە یا ترکیێ 1ێ خزیرانا 2022ێ ژی راگهاندبوو کو ل چیایێ جودی ئۆپەراسیۆنەک دایە دەستپێکرن، هەروه‌ها د مەها گولانا 2022ێ دا ژی ل هەرێمێ د ناڤبەرا ئارتێشا ترکیێ و گەریلایێن په‌كه‌كێ دا شەر قەومی بوو.

وەزارەتا ناڤخوە یا ترکیێ ب داویبوونا قۆناخا ئۆپەراسیۆنێن هەیاما زڤستانێ راگهاندبوو و ئاشکەرا کربوو کو د دەمسالا بهار و هاڤینێ دا ئەو دێ د بن ناڤێ «دۆرپێچ» دا رێزە ئۆپەراسیۆنێن نوو ل دەڤەرێن جودا یێن باکورێ کوردستانێ ل دژی په‌كه‌كێ بدن دەستپێکرن.

پوستێن ھەمان بەش

کێ «ئوگور مومجوو» کو گۆتبوو دێ په‌یوه‌ندیێن «ئۆجالان و میتێ» ئاشکرا که‌م، کوشت؟

ugur mumca-darkamazi-arami