عەلی عەونی بۆ دۆران کالکان: هوون دخوازن دەستێن خوە یێن قرێژی ب مە پاقژ بکن

عەلی عەونی بۆ دۆران کالکان: هوون دخوازن دەستێن خوە یێن قرێژی ب مە پاقژ بکن

ل شوونا کو ئەم لگەل پەکەکێ دا شەری بکین، باشترە کو دانووستاندنا لگەل مەزنێن پەکەکێ دا و لگەل وان کەسێن کو رێبەرتیا پەکەکێ دکەن بکەین کو ڤی شەری ژ ھەرێما کوردستانێ دوور بخن .”

دوران کالکان کو یەک ژ سەرکردەیێن ھەری توندرەوێن پەکەکێ یە، چەندین تۆھمەت داینە پال پارتیا دەمۆکراتا کوردستانێ (پەدەکێ)، بێیی کو چ بەلگەیان نیشان بدە. د بەرسڤێ دا ئەندامێ سەرکردایەتیا پەدەکێ عەلی عەونی بەرسڤا کالکان ددەت و دبێژیت: “بێگومان بیرەوەریا دوران کالکان گەلەک کورتە، پەدەکە ب سالان بەریا پەکەکێ ھاتیە دامەزراندن. بەریا ئاکەپە ھەبە پەدەکە ھەبوو و د تەکۆشینێ دا بوو و ھندەک تشت بۆ کوردان بدەست خستنە، نموونەیێن دوران کالکان و ھەڤالێن وی یێن سەرکردایەتییێ ئەگەر کوردایەتیێ فێر بووبن، ئەو ژ بارزانی و پەدەکێ فێر بوونە.”

ھەروھا عەلی عەونی دبێژە: ” مە چ نیەت لگەل ئاکەپێ دا نینە، لێ ئەم ژ بۆ ئازادیا گەلێ کورد تێدکۆشین و مە ل باشوور حکوومەتەک ئاڤا کریە و ئەم ھەموو کارەکێ دکن ژ بۆ کو حکوومەت بمینە و خوە بپارێزە و نەبە ئاریشە ژ بۆ وەلاتێن جیران. یێ کو ژ بۆ ڤی وەلاتی و وی وەلاتی ڤی رۆلی دلیزە و وان وەلاتان دکشینە ھەرێما کوردستانێ پەکەکەیە. یێ کو ئارتێشا ترکا دکشینە ناڤا خاکا کوردستانێ پەکەکەیە.”

د بەردەوامیێ ژی دا عەلی عەونی دبێژە: “پەکەکە ب خوە نە، هندەک ژێ سەر ب سازیا ئەرگەنەکۆنێ و دەولەتا  ترکن، ھندەک ژی گرێدایی ناڤەندا رەمەزانێ نە، ھندەک ژ وان مووچەیێ حەشدا شەعبی وەردگرن و مریێن وان یێن ل شەنگالێ وەکە شەھیدێن حەشدا شەعبی ھاتنە تۆمارکرن. ھەرچ قرێژیا وان ھەبیت دخوازن ل سەر یێن دن بچەسپینن، یانی دخوازن دەستێن خوەیێن قرێژی ل سەر مە پاقژ بکن.”

ل سەر ھەولا پەکەکێ بۆ شەرەکێ ناڤخوەیی ژی عەلی حەونی دبێژە: “دخوازن مە بخن ناڤا شەرێ ناڤخوەیی، نە پەدەکە، حکوومەت و ھەموو ھەرێما کوردستانێ ناخوازن لگەل پەکەکێ داشەر دورست ببە. ئەم ناخوازین ئەو نەخشەیا پەکەکێ و ئاغایێن وێ دخوازن ل ھەرێما کوردستانێ بهێتە جێبەجێکرن.”

د بەردەوامیێ ژی دا عەلی عەونی راگھاند: “ئەم د وێ باوەریێ دا نە کو ل شوونا کو ئەم لگەل پەکەکێ دا شەری بکن، باشترە کو لگەل ئاغایێن پەکەکێ و یێن کو پێشەنگیا پەکەکێ دکەن دا دانووستاندنێ بکن، دا کو ئەڤ شەر ژ ھەرێمێ دوور بکەڤە، بلا پاشڤە ڤەگەرە.”

پوستێن ھەمان بەش

کێ «ئوگور مومجوو» کو گۆتبوو دێ په‌یوه‌ندیێن «ئۆجالان و میتێ» ئاشکرا که‌م، کوشت؟

ugur mumca-darkamazi-arami