ل باژارێ کرماشانێ سەربازەکی کورد ب تۆھمەتا کوشتنا فەرماندەیەکێ ئارتێشا ئیرانێ ھات بدارڤەکرن.
مالپەرا مافێن مرۆڤ یا ھەنگاو راگەھاندیە، دوھی ل ناڤ گرتیگەھا ناڤەندی یا کرماشانێ دا سەربازەکێ کورد ب ناڤێ «مەھدی کیانی»، کو چەند سال بەرێ ب تۆھمەتا کوشتنا فەرماندەیێ خوەیێ ب ناڤێ «ئومید قاسمی» ھاتبوو گرتن، ھات بدارڤەکرن.
ل گۆری ئاگاھیان، چەند سال بەرێ د ناڤبەرا وی سەربازێ کورد و فەرماندەیێ وی دا ل باژارۆکێ «سەرپێلا زەھاو» یێ کرماشانێ شەر دەرکەتبوو. وی سەربازی ب تفەنگێ فەرماندەیێ خوە کوشتبوو. ژ بەر وێ ژی ئەو سەربازێ ھان ب سێدارەدانێ ھاتبوو مەحکوومکرن.
