وه‌زاره‌تا به‌رگریێ یا تركیێ، كوشتنا دو چه‌كدارێن رێخستنا په‌كه‌كێ د ئۆپه‌راسیۆنا «په‌نجه – كلیل» یا ل هه‌رێما كوردستانێ دا راگهاند.
ل گۆری راگهاندنه‌كا وه‌زاره‌تا به‌رگریێ یا تركیێ، د ئۆپه‌راسیۆنا «په‌نجه – كلیل» دا دو گه‌ریلایێن په‌كه‌كێ، پاش كو جیهێ وان هات ده‌ستنیشان كرن، هاتن ئارمانج گرتن و بێی كو تو ئاگاهیێن زێده‌تر ده‌ربارێ ئۆپه‌راسیۆنێ بده.
وه‌زاره‌تا به‌رگریێ یا تركیێ رۆژا دوشه‌می ژی كوشتنا دو له‌شكه‌رێن خوه و بریندار كه‌تنا دو له‌شكه‌رێن دن راگهاندبوو كو ل هه‌رێما كوردستانێ، بۆمبه‌ك ب وان ڤه ته‌قیا بوو.
ئارتێشا ترك یا داگیركه‌ر، ل 18 نیسانا 2022 ئێریشا ب ناڤێ «په‌نجه – كلیل» ل ئاڤاشین، زاپێ و مه‌تینایێ ل دژی رێخستنا په‌كه‌كێ ده‌ستپێكربوو، ل گۆری ئامارێن په‌كه‌كێ ژ وێ ده‌مێ ڤه پێتری 100 چه‌كدارێن په‌كه‌كێ هاتنه كوشتن، په‌كه‌كه هه‌روه‌ها دبێژه ژ وێ ده‌مێ ڤه پێتری 850 له‌شكه‌رێن ترك هاتنه كوشتن!، هه‌موه‌خت ئارتێشا ترك ئاشكه‌ره دكه كو ب سه‌دان چه‌كدارێن په‌كه‌كێ هاتنه هه‌ده‌ف گرتن.
