رۆژنامەیەکا ترکی: ئارتێشا ترکیێ رەوشا ئامادەبوونا ژ بۆ شەر راگه‌هاند

turkey_syria_rojava-kurdistan

مەدیایا ترکیێ ئەشکەرە کر کو هێزێن ئارتێشا ترکیێ، ژ بۆ كو ئۆپەراسیۆنەکێ ل تلرفعەت و منبجێ ئه‌نجام بده‌ن کەتینە د رەوشا ئاماده‌باشییا ژ بۆی شەری.

رۆژنامەیا «سه‌باح» یا ترکی راگه‌هاند، هێزێن ئارتێشا ترکیێ ژ بۆ دەستپێکرنا ئۆپەراسیۆنەکێ ل باکورێ سووریێ ل دژی په‌كه‌كێ، ئامادەهییا ژ بۆ شەری وه‌رگرتینه‌.

رۆژنامەیێ ب رێیا پەیامنێرێ خوە یێ ل جهێ کو ئامادەهی دهێنه‌ کرن، نڤیسییه‌: «نووچەیا بلەز.. هێزێن چەکدارێن ترکیێ و ئارتێشا نشتیمانی یا سووریێ، ژ بۆ ئۆپەراسیۆنا ل دژی په‌كه‌كێ/یه‌په‌گێ، هەلوەستا خوە یا ئامادەبوونا شەری وه‌رگرتینه‌، ل ناڤەندێن باژارێن منبجێ و تلرفعەتێ ژی چالاکی هەنە».

د ڤێ چارچۆڤەیێ دا رۆژنامەیێ دیار کر کو هێزێن یه‌په‌گێ رێبەندێن مەزن ل دەری و مەیدانێن وان باژاران داناینه‌ و هێز و چەک ژ ده‌ڤه‌رێن دی ڤەگوهاستینه‌ تلرفعت و منبجێ.

ئەڤ یەک د دەمەکێ دا یە، سەرۆکۆمارێ ترکیێ رۆژا 23ێ گولانێ راگه‌هاندبوو کو ئارتێشا ترکیێ دێ دەست ب ئۆپەراسیۆنێن لەشکەری كه‌ت و هەرێما ئەولەهیێ یا ب کووراهییا 30 کم ل باکورێ سووریێ چێكه‌ت.

د وێ دەربارێ دا، فەرماندارێ گشتی یێ هێزێن سووریەیا دەمۆکراتیک هه‌سه‌دێ، مه‌زلووم عەبدی بانگ ل حکوومەتا سووریێ کربوو کو ل هەمبەر گەفێن ترکیێ، سنۆرێن وەلاتێ خوە بپارێزن.

هه‌روه‌ها ئەنجوومەنا لەشکەری یا هه‌سه‌دێ ژی راگه‌هاندبوو، ئەو ژ بۆ پاراستنا یەکپارچەییا خاکا سووریێ، ئامادەنە ل گه‌ل حکوومەتا سووریێ کار بکه‌ن.

ژ ئالیێ خوە ڤە ژی، ئەنجوومەنا گەل یا سووریێ د داخویانیەکێ دا گۆت، پلانا ترکیێ یا ئاڤاکرنا هەرێما ئەولەهیێ، بەرفرەهکرنا داگیرکەریێ و ئێریشەکا ئاشكه‌رایه‌ و د چارچۆڤەیا کۆچبەرکرنا ب دارێ زۆرێ و گوهارتنا دەمۆگرافییا ده‌ڤه‌رێ دا یە.

تەکەز کر ژی: «مافێ سووریێ یە هەموو رێ و رێبازان ژ بۆ رووبرووبوونا داگیرکەری و ئالاڤێن وێ یێن تەڕۆریست ب کار بینیت».

پوستێن ھەمان بەش

کێ «ئوگور مومجوو» کو گۆتبوو دێ په‌یوه‌ندیێن «ئۆجالان و میتێ» ئاشکرا که‌م، کوشت؟

ugur mumca-darkamazi-arami