بالافرێن بێ مرۆڤ یێن ئارتێشا تركیێ، ئیرۆ باره‌گه‌هه‌كێ یه‌كینه‌یێن به‌رخوه‌دانا شه‌نگالێ یه‌به‌شێ، یا گرێدای رێخستنا په‌كه‌كێ، ل سنوونێ یا ناڤچه‌یا شه‌نگالێ بۆمبه‌باران كر.
ل گۆری ئاگاهیێن كو پێگه‌ها «دژه ته‌رۆرێ یا هه‌رێما كوردستانێ» پارڤه‌كرنه، ئیرۆ رۆژا چارشه‌مبێ 15\6\2022 بالافرێن بێ مرۆڤ یێن ده‌وله‌تا تركیێ، باره‌گه‌هه‌كێ یه‌به‌شێ ل ناڤچه‌یا سنوونێ بۆمبه‌باران كرنه، زیانێن گیانی ژی چێبوونه.
هات زانین كو د ئه‌نجاما ئێریشێ دا، 6 كه‌س هاتنه كوشتن، لێ به‌لێ ناسنامه‌یا وان نه‌هاتیه ئه‌شكه‌ره كرن.
یه‌كینه‌یێن به‌رخوه‌دانا شه‌نگالێ، كۆمه‌كه چه‌كداری یا گرێدای رێخستنا په‌كه‌كێ یه، باره‌گه‌هێن وێ ل چەند ناڤچەیێن شنگالێ هەنە و د دەما بۆری دا ئالۆزی د ناڤبەرا وێ و ئارتێشا ئیراقێ دا دەرکەتبوو و ئه‌ڤ یێك بوو سەدەما کۆچبەربوونا هەژمارەکا مەزن یا خەلکێ بەر ب پارێزگه‌ها دهۆکێ ڤە.
