خەلکێ سنوونێ ل دژی ھەبوونا پەکەکێ ل وێ دەڤەرێ کۆم بوون

 ب دەھان کەس ل ناحیا سنوونێ یا شنگالێ ل دژی ھەبوونا پەکەکێ ل ور کۆم بوون و داخواز کرن پەکەکە ژ دەڤەرا وان دەرکەڤە.

پێش نیڤرۆژێ فرۆکەیێن ترکیێ بارەگەھا پەکەکێ یا ل ناحیا سنوونێ یا شنگالێ بۆردوومان کرن.

ل گۆری ئاگاھیان، د وێ ئێرشێ دا کۆمەک چەکدار و بەرپرسێن پەکەکێ ھاتنە کوشتن و بریندار بوونە. ژ بلی وێ یەکێ، ترسەک مەزن کەتیە ناڤ خەلکێ سنوونێ.

ژ بەر وێ ژی ب دەھان کەس ل بەر بارەگەھا پەکەکێ کۆم بوون و داخواز کرن پەکەکە ژ دەڤەرا وان دەرکەڤە.

د وێ کۆمبوونا نەرازیبوونێ دا د ناڤبەرا وەلاتیان و چەکدارێن پەکەکێ دا شەر و ئالۆزی دروست بوون.

پوستێن ھەمان بەش

کێ «ئوگور مومجوو» کو گۆتبوو دێ په‌یوه‌ندیێن «ئۆجالان و میتێ» ئاشکرا که‌م، کوشت؟

ugur mumca-darkamazi-arami