چەکدارێن پەکەکێ خوەپێشاندانا ئێزدیان قەبوول نەکر و ل وان خست

وەکە کارڤەدان ل سەر بۆردوومانا ئیرۆ یا ل سنوونێ کو تێدە بالافەێن ترکیێ بارەگەهەکا پەکەکێ ئارمانج گرت و هەژمارەک سڤیل بوون قوربانی، خەلک ل ناڤەندا سنوونێ ل دژی ھەبوونا چەکدارێن پەکەکێ داکەت کۆلانان، لێ وان چەکداران کو خوە وەکە ئاساییشا ئێزیدخانێ ددن ناساندن، ل خەلکێ خستن و دژۆن ب وان دان.

ئیرۆ رۆژا چارشەمی 2022/6/15 بالەفرێن ترکیێ، بارەگەهەکا یەکینەیێن بەرخوەدانا شەنگالێ یەبەشێ، ل سنوونێ بۆردۆمان کر، هەژمارەکا سڤیلان بوون قوربانی و هەژمارەک چەکدارێن پەکەکێ ژی هاتنە کوشتن.

چاڤکانیێن پێگەها دارکا مازی ئەشکەرە کرن، پاش ئێریشێ و وەکە کارڤەدان و نەرازیبوون، خەلکێ سنوونێ داکەتن کۆلانان و چوون سەر بارەگەهێ ئاساییشا ئێزیدخانێ و داخواز ژ وان کرن کو ژ سنوونێ دەرکەڤن ژ بۆ کو ترکیە ئێریش نەکە و جانێ خەلکێ پاراستی بە.

هەروەها دەستنیشان کر، چەکدارێن پەکەکێ و ئاساییشا ئێزیدخانێ ل شوونا داخوازییا خەلکێ پێک بینن، ئێریشی وان کرن و دژۆن ب وان دان، ئا هەری بالکێش ژی ئەڤ بوو کو لەشکرێ ئیراقێ کەتن تەڤگەرێ و خەلک و ئاسایشا ئێزیدخانێ ل هەڤ جودا کرن داکو چەکدارێن ئێزیدخانێ زێدەتر ل خەلکێ نەخن.

ئەڤ نە جارا یەکەمینە بالافرێن ترکیێ بارەگەهێن چەکدارێن پەکەکێ ل سینۆرێ شەنگالێ ئارمانج دکن، پێش نها ژی چەندین جاران بارەگەهێن پەکەکێ ل شەنگالێ هاتنە بۆردۆمانکرن، ئەڤ یەک ژی بوویە سەدەما زیانێن مادی و جانی ژ بۆی خەلکێ شەنگالێ.

 تەڤی کو خەلکێ شەنگالێ، حکوومەتا هەرێما کوردستانێ و حکوومەتا ئیراقێ چەندین جاران داخواز ژ پەکەکێ کرنە ژ شەنگالێ دەرکەڤن داکو بەهانەیا ئێریشێ ژ بۆ دەولەتا ترکیێ نەمینە، و ئێزدی بکارن ڤەگەرن سەر وارێ خوە، لێ بەلێ چەکدارێن پەکەکێ رازی نابن و ژ بۆ پاراستنا بەرژەوەندیێن پارتیا خوە ل شنگالێ مانە، ئەڤ یەک ژی بوویە سەدەما ئێریشێن بەردەوام یێن بالەفرێن بێ مرۆڤ یێن ترکیێ.

چەکدارێن پەکەکێ پشتی خیانەتا مەزن یا 16 ئۆکتۆبەرا سالا 2017ێ ل پرانیا ناڤچەیێن سەر ب شەنگالێ ب جی بوونە و بارەگەهێن خوە یێن لەشکری د ناڤا سڤیلان دە دانینە، ئەڤ یەک ژی بوویە سەدەما نەرازیبوونا خەلکێ، ژ بەر کو هەبوونا ڤان بارەگەهان د ناڤا سڤیلان دە دبە هێنجەتەک ژ بۆ ئێریشا دەولەتا ترکیێ و زیان گهاندن ب خەلکێ سڤیل.

 

پوستێن ھەمان بەش

کێ «ئوگور مومجوو» کو گۆتبوو دێ په‌یوه‌ندیێن «ئۆجالان و میتێ» ئاشکرا که‌م، کوشت؟

ugur mumca-darkamazi-arami